Kaspi dıyo çe 5 qılə kişfəri mıştərəkə irse

Hadi Həxşınos Kaspi dıyo sahili kişfəron qubernatoron umumi konfransədə votəşe:Kaspi dıyo 5 qılə kişfəri mıştərəkə irse və əmə bəico cəhd kardə holədə mevcudə potensiyaliku vey çokə şikilədə istifodə kardey bəzınemon.

Beynəlxalğə Kaspi dıyo sahili kişfəron ostandaron konfransi əvvələdə Hadi Həxşınos bə bumi və xarici mehmonon səlom doə holədə votəşe:Kaspi dıyo 5 kişfəron irse:İron,Rusiya,Azərbaycan,Ğazaxıston və Tırkmənıston.Dınyo ərazi 14%-i təşkil kardə bın 5 qılə kişfərədə dınyo əhali 3,5% jiyedə və əmə resurson təğsım kardə holədə mevcudə potensiyaliku vey çokə şikilədə istifodə kardey bəzınemon.

Bə İron iyən Kaspi dıyo sahili kişfəron miyono mıştərəkə cəhəton işorə kardə Hadi Həxşınosi votəşe:İron de Kaspikəno kişfəron əksəriyyəti bə mıştərəkə mədəniyyət,sivilizasiya və hətto zıvoni malike.Hadi Həxşınosi əlovəş kardə:Əqər əmə dəvardə investisiyaon bə nəzə bıstənəmon,Şimol və Cənub dəhlizon aktiv kardey dastrəsiku bə diyəro ni.Əv,bo həmkoəti mızokirəon bardey və tədbiron vindeyro ıştə hozzıəti elon kardə holədə bəyonış kardə:"Çəmə de hamsuyə kişfəron tələbə və professoron mubadilə bardey imkonımon heste və bo vətəndoon rifohi ziyod kardeyro sahili əyoləton miyono strateji həmkoəti bardero hozzımon və umu kardedəmon ki,ın iclos bo bə har qıləy məğsədon rəseyro qıləy muhimmə qəm bəbe ".