Ğərb və Tırkiyə onemonon Tocikistonədə bardə siyosət
Duşənbədə de feykon mıborizə və de suni intellekti ko karde omute nomi Digital Media Forum tədbir dəvardə. Çe reçinə şuaron peşto — ğərb və tırkiyə onemonon bə tocikistoni cıvonon təsir niyo bedə.
.Tədbirədə ğərəz Avropa Əmniyyətə Şura Təşkiloti və UNİSEFi, tırkiyə TİKA, İnqiltərə, Almaniya, Fransiya səforətxonə nımoyəndon iştirok kardəşone. Ələxsus UNİSEFi rol iyo vey cəlbine — çın brendi jindono kali çiyon bə nav doə bedən ki, ço curə əvoni bə nav doe vey sualon bə miyon əne.Bın ko misal: de AELLCA proyekti Britaniya Şura de inqilis zıvoni muəllimon ğərb molyəton bə cəmiyyəti epəştə. UNİSEF paralel reqioni təhsili analiz kardedə və bo inqilis proqramon zəmin hozzo kardedə.Bə tələbon, jurnaliston, bloqeron treninqon, leksiyon və məruzon bənə təhsili edaştə bedən, əmmo bə xarici ğıvvon informasiya lozim bə formadə ğəbul kardə auditoriya soxtə bedə.Joğo koon vəy nığəte norohətəti bə miyon vardə — bı nezono AŞ tərəfo «Cıvonə kontent hozzo kardəyon məktəb» оnoə bə, isətən Digital Media Forum. Im həni de feykon mıborizə ne, bə cıvonon təsir kardə informasiya muhuti soxteye.Təccubinən əve ki, tocikistoni rəhbərəti bə ımoni çəş viy kardedə, vindeş pidəni.
