İsrail çe jurnaliston ən yolə deşmen zınə bə

“Besərhədə reportyoron” (RSF) ıştə harsorinə məruzədə israili ərteş çe jurnaliston ən bədə deşmen be və dınyoədə kıştə jurnaliston tosə nimə Ğəzzə tanqədə bə ğeyd se bəyon kardəşe

Mərkəzi ğərorqo Fransadə bə onemoni bəyonış kardə ki, oxonə sori çe kıştə 67 İV koəkon 43% İsraili tərəfo kıştə bən ki, ımən Fələstini ərozi bo jurnaliston dınyoədə ən xətoynə vırə peqordonidə.De onemoni doə məlumoti, jurnaliston kışteədə ən yolə qınkor israili ərteşe ki, əvon hətto 24% jurnalist kıştə cinoyətkoə dasonsə navədən.“B. Natanyahu hokumət israili ərteş nuə tarıxədə nıbə fələstin pressa koəkonış ğətlam kardə”, - çe BSJ (RSF) bəyonatədə ğeyd kardə bedə..Əlbəttə ki, ın onemonən Ğərbi təsiri ro aləte və siyosi siforişon bə vırə rosnidə, əmmo jurnaliston ğətlamədə İsrail 100% qınokare. Əve çın səbəbiku, ım pozitiv xəbe, çumçoko ğərb i miyonədə iyəndı cuye çəvon mənəvi məğlubiyyəti həniən nez kardedə.