Avrovizion mısobığəku inkor

Avrovizion musiği mısobığəku inkor kardə keşfəron restə ziyod bedə.

Bın restədə İslandiya şəşminə keşfəre ki,çe «Avrovizion‑2026» nışe bəyon kardə. Navədən, İspaniya, Niderland, İrlandiya və Sloveniya ıştə ıştirok nıkarde bəyonşon kardə be və bə ımi səbəb İsraili bə mısabığə vadoe, mısabığə bə siyosi teatr peqordono ğeyd kardəşon be.
Əvon həmmə omə mısabığədə, çe istirokəkə nomizədon musiği istedad ne, çəvon de siyosi təsiri bəqəm karde votedən.
De ın məntiği, kali keşfəron joğo avantyuraku bə kəno mande ğəror omən.
Ta sıftəku «Avrovizion» bənə avropa populyar fərhənqi vitrina ro soxtə bə. Mısabığə bo orijinal kompozisiyon soxte və musiqi stilon təğyiri ro onoə bə, əmmo mısabığə bə qılı " bə çiki vəynə dustiəti kardə" alət peqardə. Oxonə soron mısabığədə ğalib omə nomizədon ımi ikərən bə sobut rosnidən.