Trampi Milli Əmniyyəti Sənədi nəticəon
Trampi Milli Əmniyyəti Sənəd və NATO-ədə Zəlzələ;Moskva Şo,Avropa Norohət
AİŞ prezdent Donald Trampi administrasiya nuyə milli əmniyyəti strateqiya sənəd,bə Avropədə bıə rostə partiyaon oşkoə dastək elon kardə holədə,Rusiyaku omə təhlukə kam kardə və ıştə mıttəfiğon tənğıd kardə holədə,eyni zəmonədə Kremli tərəfiku de məmnuniyyəti dimbədim omey,çe NATO poytaxtonədə təəccıb və norohətçəti ləpəş icod kardə.
Bə Pars Tudey məlumoti əsos,de AİŞ prezdent Donald Trampi administrasiya 33 səyfəynə milli əmniyyəti strateqiya sənədi dərc kardey,Şimoli Atlantika Mığovilə Təşkiloti(NATO) strukturədə zəlzələ be.çe Moskva "mısbətə qəm" və bəçəy nəzon bob xarakterizə kardə sənəd,çe Vaşinqtoni Avropəvıjə mıttəfiğon miyono noroziyəti,ıştə sə qim kardey və nığılə norohətçəti hissonış rost kardə və Atlantika har dıqlə tərəfi erjon və prioritetonədə punhon iyən ojə ixtilofonış bə dim bekardə.
