Masalıjə tələbəon həvosəti barədə rəssoməti festival bərpo kardışone

Bə Qiloni Tele-Rədyo aqentəti raporti əsos, de pokə həvo haftə bino bey həmzəmon, Masal şəhrıstoni ekoloqiya mıhofizə idorə de hırdənon və nıvcıvonon fiki prosniye mərkəz və Ənamğoli məktəbi həmkoəti, de pokə həvo mıvzo iyən de 30 nəfər tələbə iştiroki, rəssoməti mısobiğə bərpo kardışe.

Həminə 2 saətə bərnomədə tələbəon de pokə həvo əhəmiyyəti, jimoni vırə səlomətədə çəy rol və de həvo çerkinəti mığubilə kardey roon oşno bıən və peşo ıştə ideaon rəssoməti ğəlibədə nışo doşone.

Masali ekoloqiya mıhofizə idorə sədr Həmid Soltanxah votışe: ım rəssoməti mısobiğə bərpo beyku hədəf, pokə həvo əhəmiyyəti təbyin kardey, insonon və co qılə bəyjiyə mıvcodaton səlomətədə çəy muhimmə rol, çerkinəti mənbəon elon kardey və bo həvo keyfiyəti oqəteyro umumi roon təğdim kardey be.