İslomi İnğilob, Amerkə beəsosə əzəməti dareşte

Ləşkəri həmohənqəkə muavin və ğərorqo sədr votışe: İslomi İnğilob, de İroni milləti bə ico, Amerkə təhğirış karde və beynəlxalğ istikbori beəsosə əzəməti darışte.

İroni İslomi Respublika ləşkəri həmohənqəkə muavin və ğərorqoh sədr, Ənzəli ozodə məntəğə şəhidon yolqətey mərosimədə məntəğədə istikbori sultə bə oxo rəseyədə bə İslomi İnğilobi rol təkid kardey holədə votışe: İronədə İslomi İnğilobi səbarzəti sıftəku, bə İroni millət vey zalımonə sanksiyaon varid bıə, əmmo ım inğilob de milləti himoyə həmişə səbarz bıə, millət muğavimət kardışone, ıştə xun, con və moli doşone əmmo de viloyət bə ico mandin ta inğilob bəyji bımando.

Əmir Admiral Həbibullah Səyyari ijən bəyonış karde: Amerkə və istikbor, bo milləti həmdıləti miyoniku bardey və İslomi İnğilobi mıstəğiləti məhv kardeyro, muxtəlifə metodonku əcumlə, ğovmi və məzhəbi ixtilafaton əlovə kardey tosə şəxsiyəton terror kardey, 8 sornə icbor bıə canq, bə mədəni baxşədə həmlə kardey, mədəni Nato, bo cıvonon hisson və noumu rəvoc doeyro nam və zıney canqi icod kardey və ijən iğtisodi canqi plan və icro kardışone.