İron və Rusiyə stratejikə həmkoətion dəvom pəydo kardeyu təkid

Bə Pars Tudey xəbəron əsosi İron və Rusiyə prezdenton təşkil doə telefoniyə votımonədə Tehron və Maskva 2 tərəfə və stratejikə həmkoətion dəvom doe iyən zumand karde həxədə təkidışon kardə.

Bə telerədyo aqentəti nəğli əsosi Pars Tudey xəbəş doə İron İslom Respublika prezdent Məsud Pezeşkiyan de Rusiyə prezdent Vladimir Putin təşkil doə telefoniyə votımonədə Tehron və Maskva bə inkişofi tərəf şə çokə rabitə dığğət mərkəzədə ğəror doeədə mıxtəlif baxşonədə bə 2 tərəfə həmkoətion dəvom pəydo karde iyən inkişof doe zərurəti təkidış karde və ım ro dəvom pəydo kardeş 2 qılə məmləkəti iştirokinə faydon cəhətdə zınəşe.Putin ım votımonədə mukəmmələ stratejikə həmkoətion muğavilə çərçivədə bə Tehron və Maskva həmkoətion prosesi dığğət doeədə əlovəş karde ım həmkoətion məntəğə əvəzon və hadisəon kənoədə təğib və dəvom pəydo karde holədəy.əv deşmeni hucumi vədə bə ironi milləti tarixi və ğəhrəmanə mubarizə işarəş karde və votışe: ironi nıtarsəti dınyoədə xəylion dığğət mərkəzədə ğərorış qətə və əvonışon tərif kardə.Rusiyə prezdent həmçınin bəzi məmləkəton fəaliyəton və bə meydon dəşe həxədə ki problemon kam kardeyu cəhd kardedən işorəş karde və votışe: Rusiyə jıqo siyasiyə fəaliyətonku himoyə kardə və ironiyə duston yəğinışon bıbo ki Maskva həm hozzıy ım cəhətdə rol ifo bıkə iyən həmkoəti dəvordono.Putin ım telefoniyə votımoni oxoədə Tehron və Maskva əlağon dəvom pəydo karde əhəmmiyyət iyən nezə həmkoətion zərurətiku təkid kardeədə ıştə qamə səlom və həmməysə çokə arızoonış bə islomiyə inğilobi rəhbəri Ayətullah seyd Muctəba Huseyniye Xameneyi təğdimış karde.