Im ruj həmmə siyasətçion çı Sepah əmniyəti pənohədən

Im ruj həmə siyasətçion çı Sepah əmniyəti pənohədən

İroni məclisdə Tolışi numayəndə cənab Şəkəri votışe: İnğilobi dışmenon xususən Ametkə, İsaril və çəvon dasti rostəkə terroristiyə qrop Daeş bıənomo terroristiyə qrop İron İslom Respublikə  Sepah, Bəsic və Hərbiyə qıvvon tarsiku bə kişvər nez be corətışon ni.

bə məriyan sayti raporti əsos Məhmud Şəkəri de Təsnim jornaliston votemonədə bə inki Sepah İslomiyə İnğilobi əsliyə baxşonku bə hisob omedə votışe:

Sepah de İmom Xomeyni(r) təşkil be və de daxili və xarici dışmenon məğlobiyət bə çəy mahbob və ehtromin be əlovə be və ım ruj kişvəri sıə xəti onvanədə zıniyə bəy və heç dıvləti həxış ni çəyku dəvardo.

Məclisi ixtisadiyə kamisiyə bə Yolə Rəhbəri əaləmdə mahbob və ehtromin bıe işarəş ka və votış İslomiyə İnğlob İslom Peyğənbər(s)-i zəmoniku dınyodə nuvrani sorətdə inkişafış pəydo ka və ıruj mıxtəlifə milləton İslomiyə İnğilobi de Yolə Rəhbəri bənə nıbə mudiriyəti həmə munzuon barədə xusuxən de istikbari mıborizə barde, mığovimət və mıhkəm be ulquşon ğəror doə.