De Tolışi fərmondori huzuri "İfof və Hicob"-i iclos bərpo be
De Tolışi fərmondori huzori "İfof və Hicob"-i iclos bərpo be
Bə Məryan xəbə sayti raporti əsos ifof və hicobi iclos de Tolışi fərmondori huzuri dıvləti komandə hicobinə xanımonku ğədrdanəti karde xoto fərmondori umumiyə salondə bərpo be.
Tolış şəhri fərmondor Seyed İsa Məhdəvi ifof və hicobi haftəş təbrik vote və votışe: kəsoni ki, həta qıləy qədə nəzəşon bə İslom dınyo bənavə xanımon vırə və rol bıboşone xanımonyo İslomi nəzədə qətəbə vırə və dərəcə rohət dərk bəkan.
Məhdəvi əlovəş ka de corəti bəznemon vote ə ozodəti , fəzilət , mənzilət və dərəcə ki, İslomi din xanımonyo ğail bəy ımrojnə dınyo kişvəron ki, merd və jeni huğuği bərobərəti idıaşon heste həğiğiyə mənaədə jenonyo ğail nin.
Əv votışe: çiki, çəmə ictimayyətdə məlome kişvəri muhimə siyasi, ixtisodi və ictimayyəti həmə fəaliyətonədə jenon təsir bınə huzore. və əmə jeno və merdi modiriyətiyə konədə çəvon miyono heç fərği ğail nimon. və inki, jenoni hestin ki, de ıştə veyə fəaliyət merdonsə bəpeə dərəcəşon heste. və fəxr kardəmon ki, jenon bənə merdon İslomiyə Respublikə nizomədə, nizomi bə aliyə hədəfi rəseyo de ıştə həmə ğıvvə hərəkət kardən.dıvləti ali numayəndə iclosdə de bomiyə oləton di xanımon huzori işarəş ka və votışe: di zəhmət əkəşə xanımon de ıştə ğədəmon istihsali və ko icod karde sənqəron zomand kardən, İslomiyə Respublikə nizomi bərəkətiku hestin.
