Şəkəri: dışmeni hiləon mığabildə İroni milləti mığavimət dəvomış heste

İroni İslamiyə şura məclisi ixtisadiyə kamisiyə uzv Votışe: İroni millət de diniyə demokratiya peştıpur və ilahiyə koməkon ijən dışmenon mığabildə mığavimət bəkan

İroni islamiyə şora məclisdə (ironi şiçal) Rezvanşər, Masal və Tolışi milləti numayəndə Məhmud Şəkəri avgustə manqi 6 minə ruji de Fars aqentəti jurnalisti mosahibədə əlovəş ka: İroni mumenə milləti bə nav şə hərəkət de məhkəmə holətdə bənav bəşe.

Əv bə İroni ələyh Amerkə dışmençiyətiyə hərəkətonku tənğidş ka və votışe: ımruj de qıləy yolə şəyton bənə Amerkə mıbarizə bardəmon və Amerkə mığabildə paidarəti və mıhkəm mande İlahiyə lotfonkuy.

İroni İslamiyə şura məclisi ixtisadiyə kamisiyə uzv iyən mığavemətiyə ixtisadi və kişvəri ixtisadiyə modirətdə paidar və çokə estedadon baxşədə bə İslamiyə İnğilabi Yolə Rəhbəri əmron icra kardeş təkid ka.