Masal Tolışə şəhri 12 minə haftə məhəlliyə liqa bərpo be

Masal Tolışə şəıhri 12 minə haftə məhəlliyə liqa de 5 qılə mısabeğə ın şəhri suniyə çimənədə bərpo be

Bə Masal niyuz raporti əsos Masal Tolışə şəhri 12 minə haftə məhəliyə liqa de 5 qılə mısabeğə ın şəhri suniyə çimənədə bərpo be.

In haftə 1 minə hənəkədə Rəde Milesəra  kamanda de4 bə 0 Masali Surxabi kamandaş məğlub ka.

Mərhum Peyman və Omide Lohesəra bıə nomo kamandaon həm məhəliyə liqa 10 minə haftə 3 minə hənəkədə 3bə 3 mısavi bin.

4 minə hənəkədə Lonq Mələvani bıə nomo kamanda de 1 bə 0 Yasin Sandıviç bıə nomo kamandaş məğlub ka.

Dəvomədə Çısli bıə nomo kamanda  de 2 bə 1 zınəşe Sote mığavemət səd bıə nomo kamanda məğlub bıkə.

ın haftə 6 və 7 minə hənəkon Qilesəra novin qil və Masali  Məskəne Şəhr və mərhum Nehzət və Vəhdət Xodbeşer bıə nomo kamandaon miyono be ki, Məskəne Şəhr və Vəhdət Xobeçer bıə nomo kamandaon huzur nıbe xoto mısobığə nəticə de 3 bə 0 bə Qil Novin və mərhum Nehzət bıə nomo kamandaon xeyri  orəxe.