Ostoro bo Aşurə dljdə mərosimon bərpo kardero hozzıe

ostoro şıhristani fərmondor votışe: ın şəhristanədə Aşurə dıjdə mərosimon bərpo kardeyo lozimbə koon əncom bəy və ın yolə mərosim ın haftə penşanbə ruji bərpo bəbe.

Bə İrna Ostoro fərmondori ictimai əlağə dışanəbə ruji raporti əsos Yunis Rənckeş Ostoro Aşurə əzodorəti mərosimi həmohənqəti iclosdə ın şəhristani fərmondoriədə votışe: ın mərosim bə İroni təğvimi əsos mehmanqi 15 minə ruj saat 15 bəji holətdə Baran bıə nomo ostaniyə kanal və milliyə telviziyədə pevolo bəbe.

Əv ın mərosimədə Ostoro milləti veyə huzorış tələb ka və əlovəş ka millət əsron mıddətdə de ıştə əzodorəti İmom Huseyn(ə)-i Aşurə ğiyami peyğom əroson bin və bəpe ın erjon oqətəmon.