Masali vəğf idorə rəisi xəbəş doe
Ğiloni ğərbədə həmməysə dıjdə məzhəbiyə məclis
Mehr manqi 5 minəruj bərobər de Məhərəmə manqi 6 minəruji həmməysə dıjdə məzhəbiyə məclis bərpo bəbe ki, ın mərosimədə təbərıkinə vıranədə de şagirdon huzuri əzodorəti bəkan.
Bə Masal niyuz raporti əsos bə Şəbestan saiti nəğli istinad qılə dıjdə məzhəbiyə məclis həm zəman de kişvəri həmmə vıran Məhərəmə manqi 6 minə ruj Masal və Somesəra şəhristanon məçitonədə bərpo bəbe.
In mərosim hasor Aşurə fərhənqi inkişaf doeyo və Kərbəlo 13 sorə tojə perəsə cıvon Həzrəte Ğasemebnelhəsən(ə)-i vilayət ğəbol karde hədəfədə bərpo bedə.
Masali vəğf idorə rəis Həmid Rəhimi bəyonış ka inki ın mərosim Masali camıə bıə nomo məçitdə bərpo bəbe votışe: Cıvunon və Tojə perəsə cıvunon Həzrəte Ğasem (ə)-i zıniye ın mənəviyə məclisi bərpo karde hədəfe.
