Şəhid Ğəvideli kinə Asiyə ğayığ rome mısobığədə nığə medalış bə dast varde

İroni jenon və merdon ğayığ rome milli kamanda yolon və cıvunon sinədə seşanbə ruji Asiyə ğəhrəmanəti mısobiğəon Çində dı qılə baxş kanok və kayakdə muvəfəğ bəy iqılə tele və 4 qılə nığə və 6 qılə bırncışon kəsb ka

Bə Masal nyuz raporti əsos Asiyə ğəhrəmanəti oromə ovon ğayğ rome  mısobiğəon dəvomədə kanok və kayak baxşi oxonə mərhələ bərpo be.

In mısobiğəonədə İronıjə varzeşkoron muvəfəğ bin 11 qılə ranqinə medal kişvəriyo bədast biyən.

Masalıjə qədə qəmi ərom Raspina Ğəvidel de Nərces Karqərpor zınəşone nığə medali bədast biən.

Imi həm bıvotəmon Raspina Ğəvidel şəhid Kuruş Ğəvidelı Qilon ostani ixtisadiyə cihadi iminə şəhide.

Şəhid Ğəvidel dəvardə sori Abanə manqi 1 minə ruj bə İrağdə Kərkok stansiyə daeş teroristiyə qrupi hucumədə bə şəhodət rəse.