Qilonədə seri çıniye fəsl

Tolış şəhristani boğonədə seri mivə çıniye təşkil be

Bə tele rədiyo xəbəriyə mərkəzi ostanon xəbəriyə  raporti əsos Qilan ostani di təsərrufati cihadi beməyon istehsali çok karde muavin votışe:

Proqonuz bedə Qilanədə 471 hektar seri boğiku 3həzo 200 toniku ve ser de 96 milyard dullar erj çıniye bıbo.

Cəlal Diyansai əlovəş ka: ser çıniye azərə manqi oxonə rujonku təşkil bəbe və ta bə dey manqi oxonə rujon dəvomış heste ki, Tolışə şəhrvandoniki boğışon heste ımsornə ov və həvo vəzyəti şərayeti xoto xəyli rəv ser çıniyeşon təşkil kardə əv votışe: 358 nəfər Tolışə şəhrvand ki boğışon heste ıştə 133 hektar boğiku ser çıniyeşon təşkil kardə.

Qiloni di təsərrufati beməyon istehsoli çok kardey idorə rəyisi muavin işorəş karde ki,ım cənqəliyə miyvə Tolış,Ostoro,Masal iyən Rizvanşəhr şəhronədə istehsol bedə,voteşe:ponə sori ser kaştə bıə ərazi 44 hektar be ki.ımsor əzgili kaştey bə 471 hektari rəsə.

Qilonədə  ha sor 2 həzo 550 nəfər de seri perosney məşğul bedə.