Olimpiya hənəkon

Olimpiya hənəkon

Olimpiya Beynəlxalğə Komitə funksiyadə ziddiyyət,dı sor çımi bənav yəni Ukraynə canq bino bıə zəmonədə vey dıjd iyən vey əyon be.həmonə rujon bə ımrujnə”İOC” əks vindedəmon ki,ın komitə de surəti bə Rusiyə rekasiyəş nışon doe iyən Rusiyəş bə canqi dəlili xoto,məhkumış karde.”İOC” -i rəyisi mıovinonku qıləyni bə zəmon votəşbe:”canq,bə olimpiyə ideyalon zidde”.həmçinin əy təkrorış karde:”əmə çe Rusiyə Federasiyə hərəkəton məhkum kardedəmon.əvon Olimpiya Beynəlxalğə camiyədə uzvəti həxışon çe dasto doə”.bə həmonə dəlili xoto,Olimpiya Beynəlxalğə Komitə mevğıyyət ,urusə varzışkoron Paris-2024-ə Olimpiyədə bənə “betərəf iyən neytralə tərəfi”unvoni iştirok bəkardeyn iyən bəpe əvon bə ın ciddiyə şərayiti rioyətkon.

Məsələn,əvon Rusiyə pərçəmi rost nıkardə iyən himni nıhandə holədə rəğobət kardey bəzıneyn.əmmo həmonə zəmon qıləy zəmon ki,çe Olimpiya Beynəlxalğə Komitə rəyis Tomas Baxiku sıvol kardeyədə ki,aya israyil çe Paris-2024-ə Olimpiyədə iştirok kardey bəkarde ya ne,əy de ruşinə formə voteşe:”bın barədə hiç qıləy sıvol mevcud ni”.çəy bədiqə elon be ki,sehyonist rejimi 87 qılə olimpikə varzışkor çın rejimi pərçəmi jiyədə bın mısobiğəonədə iştirok bəkardeyn.ımon həmmə qıləy holdəyə ki,oşkoə holədə çe Rusiyə de Ukrayna miyono canqi de sehyonist rejimi təvəssıti Ğəzzə tanqə viron kardey mığoyisə bıənin ni.oktaybrə manqi haftiku de tobə ısət çe sehyonist rejimi bə Ğəzzə tanqə bıə hucumi nuyə devronədə,bə 40 həzo nezi fələstınıj bə şəhodəti məğami rəsin.britaniyə tibbi jurnal bıə “The Lancet” mıhosibəş kardə ki,ehyanə ğeyri-sərostə maqon iyən çe xərobəon jiyədə mandə çand həzo nəfəri nəzədə bıqətəmon,çe sehyonist rejimi bə Ğəzzə tanqə bıə hucumi zəmonədə bıə mardə fələstınıjon həyğiyə rəğəm,186 nəfəri rəseydə.qıləy cinoyət ki,”bə insonə həxon nəzorətəkə”təssisəkə Arye Neyir bımi qenosid nomış noə.bə həmonə əsos ziyodə təşəkkulon çın rejimi varzışokoron iyən bə ın rejimi nez bıə harçi baykot kardeyışon tələb kardə.