Parisi Olimpiya hənəkon
Parisi Olimpiya hənəkon
Intizor beydəbe ki,Fransə çın fırsətiku həmməysə çokə mədəni bəhrə bıbo.əmmo qıləy nəticə ki,çın fırsətiku bə dast ome,de mıxtəlifə metodon jenə olət tan kardə merdon(Drag queen)dəhşətinə nımoyiş be və çəy həmməysə yavə qıləyni həm,bə məsihiyyət iyən xristiyanəti və bə İsa-Məsihi(ə) oxonə şami(bə Davinçi məşhurə tablo rəvoyəti əsos)bıə məsxərə be.ın ihonəton çandə da soron bənav bino bıə. əmmo çe məsihiyyəti camiyə çəy mığobilədə ciddi nıbe.oxonə i-dı soronədə de papə Fransisi təvəssıti həmcinson izdivoc kardey məsələ təyid iyən təsdığ kardey be və ım ko vusətış pəydo karde.qıləy çi ki,komilə surətədə bə həzrəte İsa-Məsihi(ə) dini təlimon zidde.
2024-ə sori Olimpiyə hənəkəon ojbemoni mərosim qıləy xaos və hərcı-mərcış bə təsvir kəşe.çoko ki,quya və jıqo bızın çın mərosimi əsliyə təşkil kardə kəson ğəsdışon heste çe”kanə sistemi” volo bıey sıftəku və bə ”nuyə nizomi” ğədəm noeyku xəbə bıdon.çın mərosimi cərəyonədə ki,çe Olimpiyə pərçəm çəpəki iyən sə-saru rost kardey be,çe sosyal şəbəkəonku oko doə ziyodə şəxson tərəfiku bənə fransəvıjon səhlənkoəti nımunə unvoni təbir kardey be. əmmo komilən aqahonə şikilədə və bə gender əvəz bey əsos be.həyğətədə,çe Olimpiyə pərçəm ki,çe mıxtəlifə ğitəon həmrayəti nışon doydə,çe dınyoku bıə qıləy simvole və əy çəpəki ehaştey,çəy de ısətnə dınyo sistemi volo bey iyən qıləy nuyə nəzmi çəy əvəzi bə əməl omey qıləy irtibotış heste.
Ehyanə şımə yodo bıbu, Koronavirusi pandemiyə zəmonədə bə 2012-ə sori Londoni tıvostonə Olimpiyə hənəkon ayid filmon,çe istifodəkəyon daston miyono dast bə dast beydəbe.2012-ə sori Londoni tıvostonə Olimpiyə hənəkon və maqi simvolon ,pandemiyə karantin vəzyət,mıolicə heyət və sayirə.zohirən punhoni iyən nınıvıştə bıə mığoviləonədə,çe məxsusə qrupi nəzədə qətə bıə çiyon şo iyən nımoyişi səhnəonədə bo dınyo mərdumi sə tasboneyro nışon doey beydə və ısət həm Parisi Olimpiyə hənəkonədə həm odəmi niqəronəkə maqi canqavəri çe parisi əsliyə ru peyo bıə hərəkət,ğərəz çı qıləy nuyə dınyo və qlobalizmi etapon icro kardey co çi ni ki,həlbəttə ın vey bənə befərhənqəti mandə və bənə əye.qıləy befərhənqəti ki,bo qırd anormalətiyon normal kardero səy və cəhd kardedə…
