Pars Today

Virtual aləmi istifodə əkəyon Ğəzzə tanqədə çe israyilıjon tərəfiku cinoyəton bino bey iyən Fələstıni mərdumi ğəddorə ğətlı-ami bədiqə,çe rusiyə de ukraynə miyono canqi mığoyisədə çandə qılə vıronədə vindedəmon ki,bəy işorə kardedən

Virtual aləmi istifodə əkəyon Ğəzzə tanqədə çe israyilıjon tərəfiku cinoyəton bino bey iyən Fələstıni mərdumi ğəddorə ğətlı-ami bədiqə,çe rusiyə de ukraynə miyono canqi mığoyisədə çandə qılə vıronədə vindedəmon ki,bəy işorə kardedən.ukraynədə canqi bino bıə zəmonədə Şimoli Atlantik Mığovilə Onemon(Nato)uzv bıə kişfəron səyon ım be ki,ukraynə bə ın koalisiyə anqıl bıjənon.qıləy mevzu ki,bə rusiyə de avropə ittifoği miyono sazışi əks ki,bə formə dəşe və çe rusiyə ukraynədə bıə hərbi əməliyyotn bino kardey zəminəş hozzı karde.ukraynə canqədə fəğət i baxş yəni 20 fayiz çın kişfəri sərzəminiku canq kardə holədəy.əmmo israyili rejim çe Fələstıni sərzəmini həmməş dəqətə ki,ım canq qıləy nobərobərə canqe,Puyan nomo qıləy internet istifodəçi X sosyal şəbəkədə bın barədə jıqoş nıvıştə:

Rusiyə heç vaxti bənə israil canq kardə ni, Ukrayna həm heç vaxti bənə Ğəzzə  muhasirədə bə ni, əqər NATO və ğərb jıqo Ukrayna prezdent Zelenskiku himoyəş kardə bə nəbi canqi əvvəlnə rujədə vitə be.

Im 2 qılə de iyandı muğayisə karde səhih ni.əmmo muğayisə bıkən çan nəfər İsmail Həniyə ailəku şəhid bən və Zelenski ailəku çan nəfər mardən.

Azizə duston,vazeh bıə çi ıme ki,ukraynə canqədə kıştə bıə kəson veyni hərbiçiyon bin.əmmo bə Ğəzzə tanqədə Fələstıni səhiyyə vəzərotxonə statistikə əsos,dəvardə sori oktyabrə manqi 7-ə rujiku de tosə sehyonist rejimi həmləon nəticədə 38 həzo 443 nəfər şəhid iyən 88 həzo 481 fələstınıj zəxmin bıən ki, çəvon veyni hırdənon iyən jenonin.həmonə holədə rusiyə xarici koon vəzir serqey lavrovi votəşe: təğribən çandə manqe ki,Ğəzzə tanqədə hərbi əməliyyotonku dəvardedə,Fələstıni mərdum məxsusən ziyodə hırdənon iyən jenon kıştə bıən ki,çəvon rəğəm çe rusiyə xısusi əməliyyot icro devrəədə bıə qırd ğıboniyonku ziyode və hətto qırd dəvardə da sori və 2014-ə sori kudeta ya peqordımoni bədiqə bıə hodisəonku”.ğərb de amerkə sərkərdəti i tərəfiku Ğəzzə canqədə sehyonist rejimi həmləon  himoyə kardedən və co tərəfiku de bə ukraynə bıə silohi koməqon vositə bın kişfərədə bıə vəzyəti vey mırəkkəb kardedə.əmmo bəpe zıney bıbu ki,rusiyə coyli ukraynədə canq kardedə.X sosyal şəbəkədə coqlə istifodəçi həm de bə sehyonist rejimi Ğəzzə tanqədə de amerkə himoyə bə əməl vardə cinoyəton işorə kardə holədə jıqoş nıvıştə:

Rusiyə de Amerkə fərğ ıme ki Rusiyə beqıno kıştedə ni, əmmo Amerkə və NATO hucum bardən və hırdənon kıştedən, Amerkə və İsrail ğəzzədə cinayət kardən, Rusiyə de sanksiya dim bə dim bedə  əmmo israil ğeyre ğanoniye

Amerkə pidəşe canqi dıroz bıkə və əfğanistanı dastani bə Rusiyə sə biyə.

Xosə duston!rusiyə mıdofiyə vəzərotxonə bə hərbi məkonon ıştə həmləonış bino kardə ki,ım deçəy tələfoton bə ico vazehə şikilədə bey elonış kardə,əmmo sehyonist rejim har dəfə ıştə Ğəzzə tanqədə bıə cinoyəton puşniyedə və əvoni de qıləy roy vositə bə Həmasi anqıl jeydə.de ın ko əloğədor X sosyal şəbəkədə coqlə istifodəçi ukraynə canqi de Ğəzzə canqi iyande mığoyisə qıləy əsosə səhfe və votəşe:....

Çoko Ukrayna və Ğəzzə iyandı kənoədə nodən

Həmonə kəsoni ki vəhşiyə holətədə Ğəzzə əhali kışte de be şərməti inkor kardedən və idda kardən ki Həması rəket bə noxəşxonə qıniyəy, əmmo həmonə holətədə Rusiyə noxəşxonəon bombardımon kardeyu mıttəhəm kardə və çəy mediyaon hırdənon həğğiku mudafiyəçi bedə aya ğərbiyu etıbor mandəy ki əy bovə karde bıznəmon

Ğorbinə əməson:sehyonist rejimi de Fələstıni mərdumi ğəddorə rəftoron həm çın rejimi conoyəton nığılə rəftori bəyon kardedə.bə qıləy Fələstınıjə əsir bıə Fərəc Əssəmuni votey əsos ki,bın nezono çe sehyonist rejimi zindononku ozod bıə,çın işğalqərə rejimi işkəncə metodon fəğət bə fiziki işkəncəon məhdud ni.bəlkəm əvon əsiron psixi cəhəton həm işkəncə kardedən.ım qıləy holədəy ki,amerkəvıjə rujnomə bıə “Nyu-York Taymz” çandə ruj bənav ukraynədə canqədə bə qıləy almaniyəvıjə doktori nəğli əsos nıvıştəşe:Şozen Kompaniyə ki,ğəbi mərdumiku I dastəy ki,bə ukraynə nəf və xəyri de rusiyə canq kardedən,dayimi surətədə de əsir bıə uruson kıştey ya əvoni zədəje kardey koy məşğulin ki,ım həm canqi cinoyət bə hisob omeyd ...