Iştə inə ğədri bızın / bə inə əzəməti diniyə nəzə

Pars Tudey – inə həmmə dinonədə bəpe və erjinə dərəcəş heste və həmmə kəs bəy ehtırom noydən və çəyku de əzəmət və yoliyəti yod kardən. In ko İslomi dinədə vey erjine.

Dəvardə Peyğombəron bə inə ehtırom noey sıforiş kardey, əməsə nav ıştan bə inə ehtırom ənin və bo əy rəhmət və məğfirət tələb kardə bin.

(İbrahim-Xəlil) boıştə inə və pıə dıvo kardə və Xıdoku pidəşe ki, əvoni bıbaxşo. Pərvərdiqara! Az və çımın pıə və inə iyən həmmə muminon ərujədə ki, hisob bərpo bedə, bıbaxş.

Həzrəte Mosə və deəy vəhiştədə ico bıə kəs

Həzrəte Mosə ayinədə həm inə məğam xəyli yol bəy. Həzrəte Mosə de Xıdo razoniyoz kardey zəmonədə Xıdovəndə Xalığiku tələbış karde ki, vəhiştdə bo əy həmnişin və ico bıə kəs elon bıkə ya əy bızıno. Xıtob ome, ey Mosə bə fılonə mahlə və tukon bışi, əyo kəsi bə ko məşğule  əv vəhiştdə detı ico bəbe.

Həzrəte Mosə çın cıvoni barədə təhğiğ bardey bəpeştə zınişe ki, əv ıştə iflic bıə inə koon əncom doydə və çəy inə həmişə çəy həxədə dıvo kardə ki ey Xıdo əy vəhiştə de Mosəbni imrani ico ğəror bıdə.

Həzrəte Məsih nəzə bə inə

Həzrəte İsa dinədə inə məğam və dərəcə əxtə veye ki, əv jimoni bıno bıeyədə Xıdo şık kardə və voteydə və ın nuktə bə yod vardə və Xıdoku təşəkkur kardə ki əy nisbət bə ıştə inə çokə ko əncom doə kəs ğərorış doə, çun ki əv zınedə ki, bə inə çokəti kardey bəpeə erjış heste ( mı nisbət bə çıman inə çokə ko əncom doə kəs ğərorış doə və xışmqin iyən ğeyzin ğərorış doə ni)

Vəhşt inəon lınqi jiyo

Harçənd həmmə ilahiyə dinon bo inə məğam erjinə dərəcə ğayilin və bəy ehtırom noydən, əmmo İslom co qılə məkatəbonsə vey bə ın məsələ dığğətış kardə və bə inə əzəmətış baxşə.

Xıdovəndə- Xalığ Kərimə Ğıronədə inəku de əzəmət və yoliyəti yodış kardə və curi çəy məğamiku ğədrdonətiş kardə.

Xıdovəndə -Xalğ Loğman və Əhğaf surəonədə bə valedeyni məhəbbət kardey, inə zəhməti bəyon kardə.

İslom Peyğombəri ro və hədisonədə həm inə həx və çəy məğam və şəxsiyət xəyli çok bəyon bəy.

Peyğombər(s) inə məğami təbyinədə hamyedən:( vəhişt inəon lınqi jıyoye).

In hədis çimiku hikoyət kardə ki, inə rizoyəti cəlb nıkardeyədə nibəznemon bə vəhişt və çəy vəhiştiyə neməton dast pəydo karde.

İnəku şiyəyon ço minə İmomi vəsf

İnə əzəmət və həxi barədə şiyəyon çominə İmom və İslom Peyğombəri nəvəonku Həzrəte Əli İbne Əl-Husəyn hamyedə: bə tı inə həx ıme ki bızni əv tış həml kardə jəğo ki heç kəs co kəsi həml kardə ni və ıştə dıli miyvəku bətı doşe ki, heç kəs bə co kəsi nibədoy, və tış de ıştə bədəni həmmə uzvon ıştə vədə qətışe və vəşiyanətiku tarsış nıbe və vaxti ki, həşiədə be tı puşnedə be ta tı sayədə bıbi və ıştə hanış bo ıştı xoto tərkış karde və tış qamiku iyən sardiku mıhofizəş karde və tı ın həmmə xıdməti vədə komco bəzneş əy şık bıki ğərz inki, de Xıdo koməki.

İmomi ın kəlom ki, de həxi zıvoni təbiyn bəy, inə barzə məğami nışon doydə.

Təbiyiye ki, bə fərzənd ın həmmə eşğ və meyl iyən məhəbbət və bo fərzəndi tərbiyə kardeyo veyə saxtion tovi vardey bə fərzəndi piyo yolə həx noydə ki bəpe çəy əvəzi beşey cəhətədə bəpe cəhd karde. Jıqoy ki, Xıdovəndə-Xalığ Kərimə Ğıronədə hamyedə çəvon vədə (pıə və inə) uf məvot. Məboda! Iştə inə dıli barışti və əy norohət bıki və əv tı nıfin bıko, və Xıdo bo tı xışmqin bıbo ki, inə xışm bə Xıdo norohəti boyis bəbe.

İslom peyğombər və əhle beyt və çəy 12 qılə canişinə İmom və de ıştə inan çəvon rəftor kardey iyə inə nomi vədə ıştə sə bəji vardey inə mənzilət və məğami bəpe be bəyon kardə. Diniyə bəsirətədə inə məğam barzə məğame ki, Kərimə Ğronədə həm Xıdo itoət və ibodəti cərqədə zikr bəy.

Diniyə fikonədə inə məğam və dərəcə məğolə