Pars Today

İronıjə rəssom iyən fotoqraf, Huccətullah Şəkiba, Həşi 1328 ya Milodi 1949 minnə sorədə, Qorqan şəhrədə bə dınyo omə. Çəy pıə rəssom iyən fotoqraf be iyən Qorqan şəhrədə iminnə elektriki fotoqrafi təsisış kardə.

çand mıddət bənav Tehronədə Neqarıstoni muzey boğədə və de kali hınə tənğidəkəyon və hınəsoybon iştiroki, de “İroni torixi han ya ruyaon rəssom” unvani, Huccətullah Şəkiba əsəron təğib iyən tənğid bıə. Im iclosədə ım hınəsoybi rəssomətion xusiyəton təğib bıə və bo dəvardə ğəşənqi və əzəməti iyən çəy ijən istehsoliro çəy cəhdonku ğədrdonəti bıə.

İronıjə rəssom iyən fotoqraf, Huccətullah Şəkiba, Həşi 1328 ya Milodi 1949 minnə sorədə, Qorqan şəhrədə bə dınyo omə. Çəy pıə rəssom iyən fotoqraf be iyən Qorqan şəhrədə iminnə elektriki fotoqrafi təsisış kardə.

Bə həminə əsos, Huccətullah həm hırdənəti zəmonədə de fotoqrafiya iyən rəssomi fakultə oşno bıə.Şəkiba Qorqanədə ıştə miyonə məktəbi dəvardonişe. peşo Tehronədə bə bədaye məktəb şə və bənə Muğimi Təbrizi və ĞolamHuseyn Nami ustadon nəzə jiədə təlim vındışe.çımiku bəpeşt Tehroni ali məktəbi ğəşənqə hınəon qədə məktəbədə ıştə təhsilaton dəvomış do. Əv ıştə kəşə rəssomonku qıləyniədə i qılə, i tomənə koğəzə pulonku, icro metod, patə ranqon və nəcimə xısusiyətiku andədə nığıl istifodəş kardə be iyən bə şikil nez be ki əy hayper realisti rəssomon corqədə ğəror doşone. Çəy iminnə nımoyeşqo, Həşi 1355 ya Milodi 1976 minnə sorədə de Şəkiba koğəzə pulon unvani bərpo bıə, ım nımoyeşqo əvış bə İroni hınə iştimoiyət təğdimış kardə.

De Əli Hatəmi Şəkiba həmkoəti iyən oşno bey bə inğilobi bənav obəqarde. Qıləy kino soxte ki deştə dəvəşə əsəron, İroni torix və İroni rufi ıştə əsəronədə nışoş do və İroni məxsusə hınə bə mıslış nıbıə nımunəon təbdilış kardə. Im oşno bey boyis bıə bədiqə soronədə rəssom və kino soxtey deyande həmkoəti bıkon. İyən Əli Hatəmi seryalon və kinoonədə Şəkibaku vey muxtəlifə tabluon, nımoyeş doə bıə. Tosə ısət İron iyən co qılə kişvəronədə bənə İsveçrə, İnqilis, İtaliya, Banqladeş, Kanada, Amerkə və Dobayədə, Şəkiba əsəronku vey muxtəlifə nımoyeşqoon bərpo bıə.

Im hınə soybiku muntəşir bıə əsəron vey ziyode ki 3 ranqə eşğ, Nərqes Xaton, İranşəhr məcmuəon iyən Xəyyam, Ferdusi Şahnomə, Məsnəvi, Hafiz, İrandoxt iyən İroni hınədə fotoqrafi əcumlə ım əsəronin.

Şəkiba əsəron təğib kardey bə əmə ım fırsəti bədoe ki dəvardə ğərni nimədə İroni rəssomətiku muxtəlifə janr muşahidə bıkəmon.həminə mevzu barədə koyhəmro Ağaye Bağıri mətləbon hozzoş kardə ki dəvət kardəm bə ım baxş quş bıdənən.

Şəkiba əsəron bərrəsi kardey bəmə ın fırsəti doydə ki,oxonə nimə əsrədə çe İroni rəssomətiku qıləy tafutinə janr bıvindəmon.Şəkiba antik ironış hiss iyən dərkış kardə və de dimə ranqi iyən memorətiyon çəy əsəronış bə dəvardə zəmoniku bıə qıləy tabloş təbdil kardə.jıqo bızın qıləy zəmoni tunelədə bə dumo oqardə və Həxaməneşi) Əhəməniyon) devrədə mandə və dəvardə iyən ısətnə holi bə ico vindedə və bə təsvir kəşeydə.əv,çoqlə unsur,ov,vo,zəmin iyən otəş ki,çe jimoni simvole, çe jenon heyətədə bə nımoyişış vardə və əvoni bənə çe eşğ,səmərə,reçinəti,əhd iyən peymoni unvoni bə təsvir kəşəşe.Şəkiba əsəron odəmi dığğəti cəlbəkə nuktəonku ıme ki,zumandə jenon ofəyesə əlovə, bənə qıləy oləti dizayneri zohir beydə və ironıjə jenon fəxorətin iyən mınosibə liboson dizayni kşeydə ki, çəvonku hətto holı-hozıynə zmonədə həm oko doey bəbe.Huccətullah Şəkiba çe ironi torıxi iyən çəy ruyaon ravi və rəvoyətəkə zıneydən.əmmo əy bənə hiperrealistə hınə soybi unvoni həm ğeyd kardedən.hiperrealizm,ifroti və ziyod bıə realizm və ya hiperrealizm,çe fotoqrafətiku ilhom sıə qıləy realistə nəzəy ki,bəvədə vey dəğiğ iyən bənə şikili çe insoni dim iyən bədən və sənaye şeyon dıjdə formədə bə təsvir kəşey beydə,rəssoməti iyən heykəltəroşətiyədə bə qıləy səpki votey beydə ki,qıləy foto ya realə nımunə deçəy dəğiğ cuziyyot iyən detalon oğo kardeydə.çın səpki həmməysə çokə rəssoməti əksərən de şikilon səhf eğandedən və həmonə çi,çın səpki sənətko ğudrəti nışon doydə.

In səpki rəssoməti bın prosesədə anədə bə realizmi mıdoxilə nıkardey təkid kardedə ki,çəvon koon bənə maşini bə nəzə rəseydə.əmmo qıləy səbarzə sənətko bəvədə ıştə koədə mıvəffəğ beydə ki,zohirən çe maşini koon peştono punhon beydə.hiperrealə səpk ıştə veyə təkidi bəsə detal iyən mevzuon peyo fokus iyən mutəmərkiz kardedə.Hiperralə rəssoməti iyən heykəltoşe çe şikilon dəğiğə təfsir iyən təhlil nin və çe qıləy məxsusə səhnə iyən mevzu real və həyğiyə şikil və təsviron həm bə hisob omeydəni.çımi əvəzi əvon çe izofi iyən əksər zərifə təsviri unsuronku bo həyğəton xəyoli icod kardero istifodə kardedən ki,həyğətədə mevcud ni və ya de insoni çəşi təvəssıti əy mışohidə kardey mumkin ni.çımonsə əlovə,əvon mumkine hissi,iştimoyi,mədəni iyən siyosi mevzuon unsuron bənə Vizual illuziya və xəyoli hevujəti unvoni rəsm kəşə bıə,ehtivo kardedə.

Hiperrealizm bo qıləy duyə hodisə simulyasiyə kardero texniki cəhəto bə qıləy barzə məhorət iyən fəziləti niyozış heste.de ın tərtibi Hiperrealizm bənə sahə iyən meydoni nığıləti,prespektiv və fokus dırozətiku iborət bıə fotoqrafiya məhdudiyyəton ıştədə vırə kardedə və çəvonku istifodə kardedə.Hiperrealədə istifodə bıə portreton,virtual sənəton,beconə təbyət,təbiyi mənzərəon,şəhri mənzərəon və povest səhnəonku iborət mıxtəlifə mevzuon şomil beydə.İroni rəssoməti və nəğğoşəti ərsədə Huccətullah Şəkiba çe Hiperrealizm ərsə həmməysə yol iyən həmməysə məşhurə hınə soyb və sənətkoye…