Şəhid Məsumə Kərbasi iyən şəhid Rıza Əvazə xıyzonon De İroni Yolə rəhbəri vindemon
Oct 27, 2024 13:22 Asia/Tehran
Pars Tudey – tojədən şəhid Məsumə Kərbasi iyən çəy Livanıjə həyot həmro şəhid Rıza Əvazə de İmom Xameneyi vindımon kardəşone.
Mehr manqi 28 iyən çe seonist rejimi bə Beyruti şimoli həvo həmləon nəticədə Məsumə Kərbasi iyən çəy Livanıjə həyot həmro Rıza Əvazə şəhid bin.In şəhidə jen və merdiku 5 qılə hırdən bə yadıqar mandə.