Ironi barzətiyon
Ironi barzətiyon
Şahnomə çe İroni əslə torıxi şeyronkuye ki,de milodi 10-ə əsrədə jiyə farsi zıvonə şayir Əbul Ğasım Firdovsi Tusi əvış bə nəzm vardə.çın əsəriku ziyodə nusxəon dınyoədə mevcude.Şahnomə əsəri həmməysə ğədimiyə nusxə ki,çəy torıx bə 800 sa sori torıxi rəseydə,çe İtalyə kişfəri Florans milli kitobxonədə nığo doey beydə.odəmi dığğəti cəlbəkə çi ıme ki,bızınən çı Şahnoməku bıə ın nusxə sıftədə de bənə mısılmınon osmoniyə kitob bıə Məcidə-Ğıroni tərcuməku qıləy nusxə unvoni bın kitobxonədə ğeyd kardey bıə.bə peşonə sənibəton nəzə kardey əsos,eksperton sərəsən ki,ım çe Şahnomə kitobi əsliyə unvone.Şahnoməku bıə ın nusxə fəğət 200 sor bədiqə nıvıştə bıə….
Antik İroni həzo qılə əsəronku çın kişfəri marziku xaricədə xandi kardey beydə ki,çəvonku qıləyni həm “Ğoç şikorəkə boşğabe”.ın boho ğıymətinə sənət əsər çe Sasaniyon hukuməti devrəku bə yodıqor mandə.çe boşğabi peyo bıə təsvir bə asbi suvar bıə qıləy tiy-kəmon ğandə şikorçi şikile ki,ğoçi şikor kardə holədəy.de bəçəy səyədə bıə toci dığğət kardə holədə,bəçəy sə qırdo səbənd votey beydə ki,kəmondor həm Sasaniyonku bıə qıləy kral və podşoye.podşo çe təbaxi miyono iyən 4 qılə ğoç çəy ətrofədə və ımon fərol kardə holədə çəvon şikil bə təsvir kəşey bıə.Ğoç şikorəkə boşğab,dayirə formədə iyən de 21,9 diyametriye.çın boşğabi materiyal çe nığə,telı iyən civəkuye iyən de nəğğəşoti şivə çəy rəsm kəşə bıə.bın hınə əsərədə bıə dığğət kardəninə nuktə,ın əsəri ofəyə sənətko bə kral iyən ğoçi cuziyyot iyən detalon qıləy barzə dığğəte ki,boyis bıə çə devrə podşo olət iyən şikori ləvazimotonku vey dəğiğə məlumoton bə dast booy.ımi həm zikr kardey lozıme ki,jıqo ziynəti iyən dekorativə əsəron bənə ğudrəti,əksər holonədə bənə pişkeş və hədiyyə unvoni bo hamsuyəon vığandey beydəbe.Ğoç şikorəkə boşğab ki,çe İroni mərkəz Ğəzvini ğədimi iyən antik şəhrədə kəşf kardey be,çe Nyu-Yorki Metropolitin muzeyədə oqətey beydə...
Ironi barzə antik əsəronku coqləyni çe inə sərzəminiku xaricədə bıə muzeyonədə oqətey beydə,bə Həxaməneşi ya Əhaməniyon devrə ayid bıə iyən çe telı maddəku bıə qiyozə iyən qərdənbənde.çın ziynət əşyo reçinəti kəno,çe dasti hınə iyən çəy soxtə fərdon məhorəti ğəşənqəti çe har qıləy çiysə vey odəmi dığğəti cəlb kardedə.ın qərdənbənd bəçəy soxtemon iyən formə 3 ğat bey dəlili xoto çe antik ironi unikalə əsəronkuye ki,çı Yaponiyə Mihoy Muzeyədə xandi kardey beydə.çın ğatonku har qıləyni bənə Canqəvəri çehrə,asbi sə,asbi nıxtə,əskəri bıə nevbənevə dizaynonış heste ki,çəy mərkəzədə həm qıləy Xıdo təsvir iyən şikil heste.həmçinin çəy peyo bıə həkkokəti de şişə vəsilə iyən vositə əncom doey bıə...
