Tehroni universiteti ostad: Suriyə 3qılə ro vıjniyədə dimbədime

Pars Tudey-  X sosyal şəbəkədə İronıjə siyosiyə fəoliyətəkə və universiteti ostad bə Suriyə dəvardə rujon hodisəon işorə kardey votışe: bo Suriyə omə rujon 3qılə vıjnımon vucudış heste.

Tehroni universiteti dınyo mutaliyə akademiyə ostad və siyosiyə fəaliyət əkə “Fuad İzədi” 1şanbə ruji “X” sosyal şəbəkədə bə Suriyə dəvardə rujon hodisəon diğət doeyədə nıvıştışe: “bo Suriyə omə rujon 3qılə vıjnımon vucudış heste, bə coqılə Liviya təbdil bıey və dıminə qılə inki, bə Amerkə və hırdən əkıştə rejimi tojə nokə təbdil bıey.”

Bə “İzədi” eloni əsos, Suriyə 3minə vıjniye, Fələstini millətiku himoyə kardey və xariciyə siyosətdə mığovimət mehvərədə mandey və daxiliyə siyosətədə dəvardə rujon sıstiyətion isloh kardeye.

İzədi dəvomədə nıvıştışe, Suriyə millət və İroni devlət və Millət 3minə qılə mevzuədə mıştərəkə nəzəşon heste.

Dekabri 8minə ruji Suriyə hərbiyə ğıvvon fərmondə qıləy bəyoniyədə Suriyə prezident “Bəşar Əsəd” hukuməti suğutış elon karde. Suriyə hərbiyə ğıvvon komandanəti bəyoniyə de silohinə ğıvvon qrupon vositə Dəməşği işğal kardey və həm Dəməşğiku “Bəşar Əsədi” xaric bıey bəpeştə sadir be.