Kom şikil həğiğiye?

Pars Tudey –X sosyal şəbəkə qıləy istifodəçi, Ğəzzə “Kəmal ədvan” noxəşxonə sədri etırozi səhnə və “Piyanist” Hollivudi filmi miyono muğaisə əncomış do.

Pars Tudey – X sosyal şəbəkə qıləy istifodəçi Ğəzzə “Kəmal ədvan” noxəşxonə rəyis, doctor “ Hesam Əbusəfiyə” və “Piyanist” Hollivudi filmiku de şikiloni dərc kardey, ın sosyal şəbəkədə nıvıştışe: “ İqılə filme və İqılə həğiğət”.

“piyanist” məşhurə filmi və “kəmal ədvani” noxəşxonə rəyisi etırozi səhnə miyono mığoiysə

Bə Pars Tudey – raporti əsos 2002 minə sori “piyanist” film de “Rumən Polanski” vositə soxtə be və dıminə dınyo canqi devranədə yəhudiyon jimoniku məzlumiyəti reklam kardə rəvoyəte.

Co tərəfo Ğəzzə tanqə şimolədə seonist təcavuzkorə rejimi hərbiyə tankon mığobilədə Doktor “Hesam Əbusəfiyə” etırozinə huzuri şikilon, israyil rejimi cinoyəton və Fələstini milləti məzlumiyətiku həğiğiyə şikilonin.

İsrayil rejimi hərbiyə ğıvvon rəsmi şəxsonku qıləyni de ABC Amerkəvıjə şəbəkə mısohibədə etırofış ki, “ Kəmal Ədvani “  noxəşxonə mudir “Hesam Əbusəfiyə” de seonist rejimi vostitə əsir bəy. In qıləy holədəy ki İbıə Milləton Təşkilot Ğəzzədə tibbi təsisaton hədəf ğəror doey navi qətey və çəy ozodətiş tələb kardəy.

İsrayili rejim 2023 minə sori oktyabri 7 minə ruji de ğərbiyə kişvəron həmmə cəhətinə himoyəon Ğəzzə tanqə və İordan ru ğərbi sahilədə bə Fələstini milləti zidd tojə hevujə ğətliamışon bəro dəğandəy.

Bə Ğəzzə seonist rejimi hucumonədə bə oxonə raporton əsos tobə ısət 45 həzo nəfər Fələstinıj şəhid və 108 nəfərisə vey həm yarəjə bən.

Israyil rejimi binovrə 1917 minə sori de İnqiltərə istemoriyə plan iyən bə Fələstini sərzəmin mıxtəlif kişvəronku Yəhudion mıhocirət doey royku və 1948 minə sorədə çəy mevcudiyyət elon be.