Bə Ğəzzə otəşvəsi X İronıjə istifodəçiyon reaksiya

Pars Tudey – X sosyal şəbəkə İronıjə istifodəçiyon Ğəzzədə bə otəşvəsi xəbə elon bıey reaksiyaşon nışon doə.

Ğətər 2025 minə sori yanvari 15 ruji İsrayil və Fələstiniyə tərəfon miyon Ğəzzədə otəşvəsiyo cəhdon mıvəffəğiyətiku xəbəş doə.

Sazışi icro 1şanbə rujiku bino be və tobə seoniston vositə 15 manqisə vey canqi 46 həzo nəfəri beqınoə odəmon kıştey oxo bıdə. In xəbə elon kardey mıxtəlif kişvəronədə bə şoyvonəti  boyis be. Pars Tudey ın xəbəriyə bastədə X sosyal İronıjə istifodəçiyon reaksiyaku ibaxş oməy:

Qıləy istifodəçi de Golijanam nomi Ğəzzə milləti şoyvonətiku de qıləy vidyo nəşr kardey nıvıştışe: “ milləti ki, de otəşvəsi məsey de şoyvonəti bə ıştə kəon tərəf hucum bardən və de şoəti Mığovimətiku himoyə kardeyo Yəməniku ğədrdonəti kardən, şımə ln milləti simaku bo səbarzətiyo şoyvonəti kardey co hiççi vindedənin.

Fatimə Xanım X şəbəkə co qılə istifodəçi qıləy tivittədə bə Ğəzzə milləti səbarzəti işorəş karde və nıvıştışe: “Netanyahu dı qılə məğlubiyəton nomi bıbən: Həmasi bəyji bıey, Ğəzzədə otəşvəs.”

Məhbubə Sadat həm nıvıştışe: “ nə Həmas miyono şe, nə Ğəzzə və nə əsiron de hərbiyə əməliyoti ozod be. Otəşvəsədə seonist işğalqərə rejim de Həmasi şərton ğəbul kardey, seonist rejimi pesoxtə əzəmət Ğəzzə huşi dılədə bo həmişə dəkandə be”.