Bə Fələstinıjə jenon ələyh sionist rejimi cinoyətonku dəhşətinə statistika

Pars tudey- de jenon beynəlxalğə ruji mınosibəti, Ğəzzədə Fələstini devləti ofisi sədr, bə Fələstinıjə jenon ələyh sionist rejimi cinoyətonku dəhşətinə statistika muntəşirış karde.

Bə ım raporti əsos, Milodi 2023 minnə sori Oktiyabrə manqi 7 minnə rujiku tosə Milodi 2025 minnə sori Yanvari 19, 12316 nəfər jen, de sionisti rejimi vositə bə şəhodəti məğom rəsən.

Həminə mıddətədə 13901 nəfər Fələstinıjə jen, ıştə həyothəmro və xıyzoni ğəyyumi dastiku doəşone.

17 həzo Fələstinıjə inə ıştə fərzəndon dastiku doəşone.

2 həzo Fələstinıjə kinə və jen, sionist rejimi həmləon cərəyonədə bə uzvi ğət və bırniye iyən noğis bey dıço bıən.

Çand da nəfər Fələstinıjə əsir, sionist rejimi zindononədə işkəncə jiədə ğərorışon qəte.

Əmmo təəcub kardənine ki femenisti cərəyonon və jenon mıdofiə təşkilaton, sionist rejimi ım cinoyəton vədə, hiç qıləy əməli ko əncomışon doə ni.