İronjə jeni Fransa həbsxonədə bıə qonə jimon

Pars Tudey-Fransadə jiyə İronjə vətəndo,tərcuməçi və Lion Universiteti məzun Məhdiyyə İsfəndiyari fəğət bə Fələstini əziyyət kəşə hırdənon həmdardəti kardey xoto Fransa həbsxonədəy

Məhdiyyə İsfəndiyari ım İronjə banu çe ozodəti iddiyo kardə qıləy kişfərədə mubahisəynə şərayitədə həbs kardey bıə.

Pars Tudey bə İroni Tele-Rədyo Aqentəti istinodən doə məlumoti əsos,çın ko təfərruoton,bə oxonə xəbəon və de Məhdiyyə İsfəndiyari həbsi anqıl həmməysə muhimmə məlumoton əsosən ıme ki,Məhdiyyə İsfəndiyari 1403-ə sori İsfəndə manqi 10-ədə(28 fevral, 2225-ə sori)çe Fransa Liyon şəhrədə muəmmaynə şikilədə qim bıə.bəçəy xıyzon iyən çe İroni rəsmiyon tərəfiku bardə bıə təğibon bədiqə,çəy çe Fransa polisi tərəfiku həbs bey mıəyyən kardey bıə.Fransa dıqlə məhkəmə orqan əvış de“terrorizmi təbliği və mudafiyə”(Apologie du terrorisme) ittihomi həbsış kardə.

Bə ın ittihomon əsosən sosyal şəbəkəonədə(ə cumlə həm Teleqramədə) bə Fələstini xalği dastək və de seonist rejimi Ğəzzədə kardə cinoyəton ifşo kardə materiyal və məzmunon dərci anqıl bıə.Əv,holı-hozıyədə Parisiku 25 kilometr bədiyəro və adətən bo təhlukəynə cinoyətkoron istifadə kardey bıə və şərayitış qon bıə Fresnes həbsxonədə oqətey beydə.

Tosə ısət boçəy ittihomon məseyro ojə məhkəmə proses dəvordıney bıəni və Əv,100 rujisə ziyodə mıvəğğəti həbsədə və infirodi kamerada mandə.Hisobotonədə ciddiyə məhdudiyyəton,min cumlə həm bə həlolə hardemoni dastrəsi ğədəğən kardey,boştə hicobi bekardeyro məcbur kardey və dini ayinon sərbəst icro nıkardey nışon doey beydə.

İron ın həbsi ğeyri-ğanuni və bənə çe Fransa məhkəmə sistemi qirov peqətey numunə hisob kardedə və çəy dərhol ozod kardeyış tələb kardə.