Imrujnə kinə maşkinə inəy;Pərvin Etısomi poeziya ovəynədə jeni rol

Pars Tudey-De zərif iyən jenə rufi İroni şayir Pərvin Etısomi moəti roli həmməysə ğəşənqə ifodəonış bə poeziyaş peqordınə və əvış bənə har qıləy mevğe və məğami mənşə təsvirış kardə.

“Jen” və “inə” voteyədə,ziyodə zehnon nızınə holədə bə bəşəriyyəti jimoni məhəbbət,fədokorəti və de umu məno doə fiquron murociyət kardedə.

Moə rolədə bıə jeni fəğət qıləy bioloji və ya sosyal mevcud ni;Əv,nəslon bə ayəndə bardə “bəşəriyyəti qofo”,“ibtidoyi məktəb”, “həyoti ço”-ye.Farsi yolə şayiron har qıləyni mıəyyənə mənoədə jen və moə mevğeyış barz qətə,lakin çəvon miyono Pərvin Etısomi qıləy xususi vırəş heste.

Pars Tudey bın məğolədə bə jen iyən inə mevzu İroni çın məşhurə şayiri noxteyi-nəzəku diyə kardedə:

Pərvin fəğət hozırcəvobə şayir ne,həmən sosyalə mutəfəkkire.Əv,ıştə şeyronədə bə təhsili vocibəti,bə əxloği roli,bə jeni məğami çandə kərə təkidış kardə.Əv,ıştə şeyron qıləyniyədə həmməysə yolə filosofon nomi kəşə holədə qıləy nığılə həyğəti ifodə kardedə:

İnə;çe hikməti mənbəye.

Əqər Platon və Sokrat yol bıəbe

Çəvon hikmət tibbə dodo be

Hırdənətiyədə inə qofoədə bə han şe

Peşo hikməti məktəbədə Loğman mudrik be

In misraon bəmə qıləy əsosinə həyğəti bə yod vardedə:İnə vanqo nıbə holədə yolyəti icod nibəbe.Sokrat və Platon yaxud hikməti simvol bıə bənə Loğmani filosof və mudrikon iminə dəfə çe moə qofoədə yol beydən.Pərvin bəmə nışon doydə ki,qırd hikməti,həmmə elmi,har cur cəsorəti mənbə,iminə zumzumə və inə məhəbbəte.

Moə;çe insonəti Ali Məktəb

Pərvin ıştə jinə şeyrədə voteydə:

Çe pəhlivon bıbu ya salik və ya zohid və ya fəğih

Çəvon həmmə çın lisey tələbə bin

Şayir ıştə bın şeyrədə inə çe dınyo qırd yolə odəmon-ısət çe pəhlivononku qətə tosə zohid və fəğihon bıbu,bənə çəy tələbə bıə məktəbi vindedə.çımisə əzəmətin çiç bey bəzıne?İnə fəğət bədəni tərbiyəçi ni,həmən çı mənəviyyot iyən insoniyyəti mellime.

Jen,çe eşğ iyən umu mənbəye

Coqlə vırədə Pərvin çe nəslon perosneyədə çe inon əsosə roli ğeyd kardedə:

Eşği hədis bemoə hırdəni çı komcoş omute 

Hukmdor nıbə qıləy səltənəti,çı komco rohətəti və əmn-əmonətiş pəydo karde

Im ironıjə şayir inə bə ədolət və məhəbbəti podşo təşbih kardedə.əqər hırdən bemoə mandəbu,çe eşğ iyən məhəbbəti məno çokonə bəsə dəşey bəzıne?.Bənə ədolətinə hukmdorış nıbə cəmyət bə xaos və benizoməti eqıney,bemoə hırdən həm çe məhəbbət  iyən tərbiyə mənbəonku məhrum mandedə.In nəzə fəğət çı inə tərifi ne,həmən çı jeni cəmyətədə bıə ciddiyə məsuliyyəti bə yod vardedə.Har qıləy jen deştə eşğ iyən mudrikəti vəomə bə forma dənoydə.əve həm Pərvin votedə:

Imrujnə kinə hejo çe maşkinə inəy;

Zoon yolyəti de İnə vositəy,

Im beyt bo həmmə nəslonro qıləy şuore.Imrujnə ruji kinon çe maşkinə ruji inon bəbeyn və əqər əmə əvoni ımruj de elmi, mənəviyyoti,de insoni ləyoğəti yol bıkəmon,maşki de əzəmət iyən izzəti pur bıə qıləy cəmyətımon bəbe.

Jen;kanə məhdudiyyətonku bəkəno

Pərvin ıştə şeyron veyniyədə torıxi dırozi çe jenon dimbədim omə beədolətiyonış həm bə zıvon vardə.Əmmo ın noədolətiyon hiç qıləyni bəçəy moəti vəzyəti xələl vardeyış zınəni.Əv,ım bovəonış ıştə şeyronədə jıqo təsvirış kardə:

 Jeni vucudi luğətədə “inəy”

In noxtə dınyoədə və kayinatədə həmməysə barzə noxtəy

Əv,çe əbədiyə eşği ço be

Əv,çe insoni umu poytaxt be

Bın misraonədə jen fəğət ıştə evlodi inə ne,bəlkəm həm çe bəşəriyyəti moəy.Pərvin jeni bə dınyo nur doə ço və əv nıbə holədə bəşəriyyəti bə toykiyəti ğərğ bıə bənə umu vindedə.

 Moə,çe eşği və mudrikəti mellim;bə ayəndə qıləy umu

Pərvini noxteyi-nəzəku çe moə rol fəğət məhəbbətədə ne,bəlkəm ağl və hikmət həm çəy vanqoyədə bino beydə.Əv,çandə dəfə təkidış kardə ki,mudrikon və yolon iminə mərhələdə çe moə məktəbi şoqirdon bıən.Im təlim ımruj bo jenon həmməysə  veyə umu baxşəkə mesaje.Im ironıjə şayirə çe jeni məğami barz qəteysə əlovə,həmən çe inə missiya bə yod dənoə holədə, dəvəşə ayəndə mesaji bə yod dənoydə.