X İronıjə istifodəçiyon:trıqqer mexanizm tiye ki, bə Avropa bəqıne

Pars Tudey- X sosyal şəbəkə İronıjə istifodəçiyon, bə İroni ələyh Avropa kişvəron vositə triqqer mexanizmi fəol kardeyşon stratejikə səhv zınşone.

Amerkə iyən Avropa Troyka bın nezono qıləy ğeyri ğanuniyə hərəkətədə triqqer ya həmonə snəpbəkışon bə İroni ələyh fəolışon karde.de triqqer mexanizmi fəol kardey, Avropavıjon bə İroni ələyh əmniyət şura sanksiyaon oqardeyşon iddiyo karde. Bə Pars Tudey- raporti əsos, X sosyal şəbəkə İronıjə istifodəçiyon Avropa troyka tərəfiku bə İroni ələyh snəpbəki fəol kardeşon stıratjikə səhv zınəşone. Həminə barədə qıləy istifodəçi de “Əbulfəzl” nomi X sosyal şəbəkədə nıvıştışe: “ Avropa de nıbə patron triqqeri təhdid kardə! Almaniya inflyasiya rekordış jeyə və suğuti vədə ğərorış qətə. İroni vədə ın siyosiyə blef, fəğət Avropa ocizəti nışon doydə.”

Co qılə istifodəçi de “Fatimə” nomi, Avropaş bənə təyli bıə təbli zınəşe ki, qıləy kişvər de İron nomi vədə ğərorış heste ki, bo dıınyo mın cumlə Avropavıjon çəy milləti fərhənq iyən sivilzasiya misol jənine.

X sosyal şəbəkə co qılə istifodəçi de “Huseyn Məleki” nomi həm votəşe: “bə İroni ələyh İraği canqi devranədə Avropə və Amerkə xəyonəton nışon doydə ki, de İroni millət çəvon dışmenəti rişəyine. Bə İroni ələyh İraği 8sor canqi mıddətədə, Almaniya kimyvi silohon, Fransa hərbiyə təyyorəon və Amerkə kəşfiiyot həmmə İraği kıştə bıə diktator, Səddami rejimi xıdmətədə bin.”

Co qılə istifodəçi həm de “İron” nomi bovəş heste ki, “ Avropa ıştəş sanksya kardə çunki, əvonin ki, bə Fars dıyo iyən İroni enerji və nati ehtiyocşon heste, enerji ki, xəyli bə bıyə dəbastə bıə Avropa tərəf çəy bəon dəbastə bəbe. Amerkə prezdent Donald Tramp, bəvon səhvə nışoniş doə və Avropaş bədbəxtış karde!”

“Muhəmməd Bağir Şəkur” həm votışe: “İroni ğəbulış nıkarde ki, Amerkə və çəy ğərbiyə şərikon bənə Liviya, İrağ iyən Ukrayna bıbo və zu tətbiğ kardey vədə ıştə siloh bəkəno bınə. İron de Milləti vəhdət, sanksiyaonku dəvardə.ğərbı dınyo bə oxo rəsəy şərğiku həşi bebəşe.”

“Pərnis Şərifi” həm votəşe:”Avropa dışmenə hərəkət qıləy fırsəte ta İron de şərğiyə mığoviləon diplomatikə bərobərəti icod bıkə. De kişvəroni bənə Rusiyə, Çin həmkoəti kardey bəzne ğərbiyə təzyiğon miyono bıbə.”

 “Hamid Ğəfari” təkidış kardə: “ğərb bə ironi ələyh triqqer mexanizmış fəol kardə, əmmo həyğət ıme ki, ımruj çəvon ixtisod tıpemoni vəzyətədə ğərorış heste, Almaniya 4.2% İnflyasiya və bə avro məntəğə peyo tənəzzuli sayə ın fərği nışon doydə. Hucumi ki, bardışone İroni əvəzi Avropa omə rujonış hədəf ğərorış doə. Triqqer mexanizm bə Avropa qıləy tiye.”

“Ehson Mənsuri” həm nıvıştışe:”Avropa fəğət zohirədə atom sazışədə mande. Xaric bıe bəpeştə Amerkə qılə qılə bə İroni zidd sanksiyaonış icro karde və 2 sor çimi bənav de hucum nıkardey və siloh sanksiyaş co qılə huğuği şərayitış ləğv nıkarde. Avropa huğuğiyə doə vədəon erjış ni.”

 Və oxoysə “Sitarə Yəzdi” həm votışe: “ Almaniya iyən İnqiltərədə inflyasiya vey bıe iyən Fransadə inkişofi kam bıe, bo Avropa ixtisodi stabiləti ciddiyə problemonış icod kardə. Bə İroni ələyh de E3 vositə triqqer mexanizmi fəol kardey ki, İbıə Milləton sanksiyaonış oqordoni və enerji problemonış ziyod karde, tənəzzuli surət bıdə və İbemoni polisiyosəton təzyiği jiyo ğəror bıdə.”