X sosyal şəbəkə istifodəçiyon: Əfğonıstoniku tobə Venesuela, Amerkə mıdoxiləon dəvom kardə

Pars Tudey- “X” sosyal şəbəkə istifodəçiyon təkidışon karde ki, Amerkə Venesuela barədə hərbiyə baxşi vıjniye ın Latinə Amerkə kişvəri ğarət və dızdiyeye.

Amerkə prezdent Donald Tramp, Latin Amerkədə nərkotik maddon kartellon mıborizə bardey iddiyo hərbiyə baxşi vıjniye meylış nışonış doe və əvış bo Vaşinqtoni siyosiyə hədəfon bənav bardeyo məxsusən Venesuelaədə bə Maduro milliyə devləti ələyh qıləy avjor zıneydə. Qıləy holədə əv ın hərəkəton milliyə əmniyətiku mıdofiyə kardey təğdım kardedə, analitikon xəbərdorəti doydən jıqo mıdoxilə bəzne bə İrağ və Əfğonıstoni faciyə təkror karde bıbo və Trampi Amerkə 1minə siyosəti bə oşkoə fərğon dıço kardə. Bə Pars Tudey raporti əsos, “X” sosyal şəbəkə istifodəçiyon bə Karakasi ələyh Vaşinqtoni hərəkəton Venesuela mənbəon dızdiye zıniyəşone. Həminə barədə qıləy istifodəçi de “Anjel Bruno” nıvıştışe: “Siya təşkilot pidəşe Venesuela prezdent Maduro hərbi peqordımoni royku miyoni bıbə, çun ki, əvon şiddətinə surətədə bə həmonə 1minə maddon ehtiyocışon heste ki, əmə hol hozırədə hestımone.”

X sosyal şəbəkədə co qılə istifodəçi de “Edvin Bajrektarevis” nomi votışe: “ Amerkə və Tramp de pesoxtə vavunəon Venesuelaədə bo sırriyə əməliyoti bə CİA cəsusiyə təşkilot icozəş doə, ın yəni bə Venesuela ələyh canq elon kardey ki, bə dave şiddət qətey boyis bəbe.”

Co qılə istifodəçi de “Mind” nomi bə Venesuela qəmi və çandə qılə kəşti Krib dıyodə bə Amerkə hərbiyə ğıvvon hucumi işorə karde nıvıştışe: “ Tramp qıləy ğatile ki, Karib dıyoədə nəvedə və ın kərə ımvırəş ıştə colan doə vırə ğərorış doə.Amerkə Əfğonıstoniku tobə Venesuela dayimi surətədə kişvəron daxiliyə konədə mıdoxiləş kardə.”

“Morqen” həm bovəş heste ki, Amerkə de bə Venesuela ələyh hərəkət iyən Karib dıyoədə rol ifo kardey məntəğədə ıştə hərbiyə ğıvvon zumand kardey holədəy.

“Stiv” X sosyal şəbəkə co qılə istifodəçiyonku votışe ki, Amerkə bəpe jıqo tarif karde: “Amerkə Ğəzzədə israyili qenosid kardeş dəvom doe. Amerkə cəhd kardə de Venesula bə canq daxil bıbo. Amekə bə ıştə şəhrvandon ələyh canqış elon kardə.”

Co qılə istifodəçi de “Fernando Piyero” nomi bə Amerkə Nobel sulhi bədast vardə kəsi Mariya Korina Maçado doə vədə işorə kardəşe. əv nıvıştışe: “Macado de Trampi zuə votemonədə ğeyri sərostə surətədə bə Amerkə mesajış doe ki, Maduro bə kəno noeyədə bəzne bə Venasuela təbiyiyə mənbəon dast pəydo bıkə. Və ın yəni zumandəti əvəzi kişvəri mənbəon təslim kardey. Venesuela muhimmə mənbə həvate, bə Tramp Maduro miyono bardey “məhebəti” əvəzi bebəşe.”

Və oxoysə inki, “Kristiyən Sihr” həm nıvıştışe: “Venesueladə niyon bıə surətədə əməliyotiyo bə Siya icozə doe tojə mevzu ni. Amerkə soron dəvomədə dınyo həmmə vırədə ıştə cəsusunış vığandə ta mıxtəlif kişvəron əmniyəti bəyandı bıjəno. Isət Vaşinqton fəğət ın mevzuş oşko kardə ta Venesuela milləti miyono dəhşət icod bıko.”