Qilonədə de Kaspi dıyo ostandaron iştiroki sulhi do kaştey

Sulh və dusti do kaştey mərosim ki Kaspi dıyo ətrofədə ostanon miyonədə bənə dusti və vəhdəti simvole, de beynəlxalğə rabitəon inkişof və dıroz mıddətə rabitəon dəvomi hədəfi bərpo bıə.

Bə Qiloni Tele-Rədyo aqentəti raporti əsos, Kaspi dıyo ətrofədə kişvəron ostanon ostandaron iclosi kənoədə de Qiloni ostandar, Hadi Həxşınos, və 5 qılə hamsuyə kişvəron ostanon ostandaron iştiroki, dusti və sulhi do kaştey mərosim bərpo bıə.

Im mərosimədə Qiloni ostandar iğtisodi, mədəni və turizm baxşonədə de bə mıştərikə həmkoətion və dustanə rabitəon zumandəti əhəmiyyət təkid kardey ijən votışe: ım hərəkət, Kaspi dıyo ətrofədə bo sulhomizə həmkoəti fəzo icod kardey iyən stabilə inkişofiro çəmə mıştərəkə irodəku qıləy simvole.