İronıjə Kinon 1 sorədə de 868 Ranqinə Dınyo Medali Dəvəşən

Pars-Tudey-İroni İdmon və Cıvonon Vəzir bə jenon varzışi əlomətdorə noiliyyəton işorəkardə holədə,dəvardə sori jenon baxşədə 307-qıləsə veyə beynəlxalğə ekspedisiya bə həyot dəvordıney və İronıjə varzışkorə jenon nufuzinə qlobal tədbironədə 868 medal kəsb kardey,çımonku 140-qılə telı medal beyış bəyon kardə.

İroni İdmon və Cıvonon Vəzir Əhməd Dınyomoli çe İroni İslomi Şura Məclisi ojə iclosədə çın vəzirəti fəoliyyəti həxədə hisobotış təğdım kardə və jenə varzışi əlomətdorə noiliyyəton işorə kardə holədə ın səbarzətiyonış çe İroni banunon səy və ətiyyəti əlomətış hisob kardə və çe kişfəri xanımon icmoş təbrik kardə.

Dınyomoli həmçinin SADAK sistemədə 11.500 idmoni məkoni bə ğeydiyyot seyış elon kardə və əlovəş kardə ki,bə kişfəri Konstitusiya 44-ə maddə siyosəti tətbiği bob,Persepolis və İstiğloli klubon səhmon qıləy dıjdə hissə ovoştıney bıə və idmoni aktivon icod kardeyro lozımi tədbiron vindey beydə.İdmoni diplomatiya sahədə İron 1360 beynəlxalğə vırə kəsb kardeyış zınə və təxminən 1900 ironıjə hakim qlobal tədbironədə iştirokış kardə.

Həmçinin,təxminən 220 qılə ironıjə idmonçi xaricədə bıə klub komandaonədə fəoliyyət nışon doydə.İroni İdmon və Cıvonon Vəzir həmçinin mədəni tədbiroku bəhs kardə holədə de İmom Xomeyni(r.) və de İnğılobi Yolə Rəhbəri Cıvonon və İdmoni sahədə bıə fikiron anqıl analitik əsəron qırdə kardey və nəşr bey,həmçinin Futbol Federasiya Assambleyaədə oxonə təsdıği çəş kardə Cıvonmerdə Hənəki Kanali dizaynış elon karde.