X istifodəçi: Amerkə ıştə mıttəfiğon peştiku de çəxo jeydə

AİŞ prezdenti Ukraynadə bıə muharibə bə oxo rosney plani təğdımot de X sosyal şəbəkə istifodəçiyon reaksiyaon dimbədim omə.

X sosyal şəbəkə istifodəçisi bə AİŞ prezdent Donald Trampi Ukraynadə bıə canqi bə oxo rosneyro 28 maddəynə plani təğdımoti reaksiyaş nışon doə və Pars Tudey ın məğolə bə ın şərhon nəzə səğandedə.

 X sosyal şəbəkə istifodəçi Jason Hickel Amerkəş qıləy beetiboynə mıttəfiğış zınə və nıvıştəşe:Avropa çe Amerkə etiboynə mıttəfiğ nıbey bəpe dərəso.AİŞ lideron oşkoə şikilədə bəyon kardəşone ki,əqər çəvon maddi mənafeyon tələb bıko,əraziyon bə dast vardeyku,beynəlxalğə huğuği darışteyku,bə səçıni mudaxilə kardeyku və avropavıjon proksi muharibəonədə bə maqi səmt vığandeyədə şəkk nibəkardeyn.

Bın kontekstədə,Mr Angry istifodəçi nomış bıə X sosyal şəbəkə fəol Amerkəş bənə dıdim iyən eqoistə kişfəriş təsvir kardə.Əy nıvıştəşe:AİŞ ıştə mənafeyon ıştə mıttəfiğonku barz qətə bə dıdim və eqoistə kişfəri peardə...Imrujnə mənzərədə AİŞ həni bo Britaniya və Avroparo qıləy etiboynə mıttəfiğ hisob kardey əbıni.

 X-şəbəkədə fəol bıə Glenn Tunes həm Trampi Ukraynadə bıə sulhi planış bə demokratikə erjon xəyonətış zınə.Əy nıvıştəşe:Imruj Zelenski,Ukrayna və qırd Avropa de qıləy telə həyğəti dimbəm omə.Bə Amerkə dayir çəmə dərk çe rişəku əvəz bıə.Ruşine ki,Trampi devrədə AİŞ həni bənə mıttəfiği ğəbul kardey beydəni.Çın administrasiya hərəkəton bə demokratikə erjon xəyonəte.

Həmçinin,X-şəbəkədə Petras Austrevicius istifodəçi nomo qıləy fəol Trampi bo Ukraynaro 28 bəndinə sulhi plan bənə Kiyevi təslim bey hisob kardedə.Əy nıvıştəşe:Trampi bo Ukraynaro 28 bəndinə sulhi plan qıləy məğolədə umumi kardey bəbe:Ukrayna təslim bey.Im,sulhi plan ni,çe təslim bey plane.

"Rizvan Naci" nomo qıləy ironıjə istifodəçi Trampi bo Ukraynaro sulhi planış bənə besədoə məğlubiyyəti təsvir kardedə.Əy nıvıştəşe:Ukrayna bə besədoə məğlubiyyəti mandə qıləy sulhi rəse.Çandə qılə əsosə məntəğə (həmməysə ziyodə əhaliku tobə həmməysə puldoron) çəy dast nırəsə vırədə mandə.kişfəri ixtisodiyyati fəğərə sutun bıə zəminon və resurson.Çın sulhi qıləy barzə ğıymətış be və ım,bə Amerkə bıə beetıborəti xotoye.

X sosyal şəbəkədə fəol bıə Dayan Heyn AİŞ-on Ukrayna planış bənə çəy bəştə mıttəfiğon çe peştiku jeyə çəxoş zıne və nıvıştəşe:Amerkə bəştə mıttəfiğon kardə xəyonət bəpe hejo bəyod dənoey bıbu.Im,de Avropə bıə ittifoğış məhf karde.Amerkə bəmə çe peştiku çəxoş je,təhğırış karde və əmə bə AİŞ peştımon nıqordıne.