Napoleoniku tobə Tramp, Diktatoron bəştə medal bədon!

Pars Tudey- bə Amerkə prezdent FİFA 1minə sulhi mıkofoti doey de X sosyal şəbəkə istifodəçiyon hevujə reaksiya dimbədim be.

Bə Amerkə prezdent FİFA 1minə sulhi mıkofoti doey, Vaşinqtonış de ımsornə sori dınyo kuboki pışk ğandey mərosimi ətrofinə sıxənon dimbədimış karde. ın qıləy holədə be ki, Amerkə prezdent çandə vaxt çimi bənav Nobel mıkofoti bədast vardeyo nokom mandə be. Xəyli siyosiyə təhlilçiyon və varzışiyə simon ın mıkofati doeyşon de FİFA betərəfəti iddiyo əksədə zınəşone və Trampi Beynəl-Xəlğ mevğe və torixışon de sulhi məfhumi icorə nıbe zınəşone. Səbarzə kəsi təyin kardeyo nıbə şəffofiyət həm co qılə nuktə be ki, tənğid kardə kəson bəy işorəşon karde. In mevzu de X sosyal şəbəkə istifodəçiyon reaksiya dimbədim be. Ki, Pars Tudey ın mətləbədə bəy nəzə bıə.

“Bə Trampi ələyh Respublikaçiyon” istifodə kardə hisob de ın mıkofati pesoxte zınyiədə nıvıştışe: torixi qıləy təhğirinə ləzəonədə Tramp bın nezono FİFA sulh mıkofotış sə. əvon de kəlimə həğiğiyə mənoədə qıləy “sulh mıkofotışon” ixtıro karde ta əy həğiğiyə Nobel sulhi mıkofoti bədast nıvardey bəpeştə şo oqəton.

X sosyal şəbəkə co qılə istifodəçi de “Alis Vaver” nomi de sıreyinə toni nıvıştışe: əmmo həmməysə muhim əv(Tramp) medalış bəıştə təğdimış karde...

Co qılə istifodəçi de “Can Qalon” nomi de qıləy şəkili nəşr kardey ki, əyo Fransa navnə imperator Napoleon səltənəti taci bəştə sə noydə, “Vavra” nəzəş təsdığ karde.

Trampi ın hərəkət bə istifodəçiyon bevəcə sujeti təbdiı bıe bəpeştə, co qılə istifodəçi de “Tolerant Paradoks” nomi nıvıştışe: məlume ki, əv hiçvaxt ıştə həğiğiyə jimonədə medalış bardə ni. Hakəsi ki, ın koş əncom doə zınedə ki, inson bəpe ıştansə medali bəştə qi ənığando!

Həminə barədə “Trol Fitbol” jinə şikilış de ın izoh nəşrış doə: Donald Tramp FİFA sulhi mıkofoti 1minə bədast vardə kəs be.

İyən “Sports Ənd Politiks” istifodə kardə hisob qıləy tənğidiyə nəzədə Amerkədə dınyo kuboki bərpo kardey astanədə bə Tramp ın mıkofoti doey mığoisə kardey de faşiston əsri Almaniyadə olempiya bərpo karde votışe: jəğo ki, intizor şedə be, dınyo varzeşi torixi qıləy bevəcə ləzon, de faşiston olempia mığoisə kardənine. Bo qıləy faşisti, cinoyətkor, təcavuzəkə, irğçi iyən  fifa sulhi mıkofot ki, çandə kərə həm məhkum bıə.

Tramp və İnfantino- fəsot və mırdolin.

X sosyal şəbəkə co qılə istifodəçi de “Seyd Əmir Səyyah” nomi Ğəzzə cinoyətonədə Netanyahuku bə Trampi himoyəon işorəş karde və nıvıştışe: bə israyili bomba doə kəsi ki, 40 həzo nəfər jen və hırdənış ğətliamış karde FİFA sulhi mıkofoti doe sıreyin be. əqər ın mıkofoti bə Netanyahu ədin, bə həmonə əndozə sıreyin be.