X istifodəçiyon|Sanksiyaon məğlub be;İroni ğatari hərəkətış karde

 Pars Tudey -"Milli Metro Ğatar"-i de bumiyə elmon inşo karey xəbə bə xarici istifodəçiyon bə İroni muhəndison ğabiliyyət iyən ğətiyyəti heyron mandey səbəb bıə.

Xarici istifodəçiyon kiberməkonədə çandə qılə milli ğatari rami istehsol və inşo bə ironıjon sanksiyaon dəf kardey və milli ıştnitəmin kardey noyil beyro ıştə istedod iyən ğətiyyəti nışon doey təkid kardəşone.

Pars Tudey bə Fars-i sayti istinodən doə məlumoti əsos,de 25 qılə elmi əsosinə şirkət və çoqlə dıjdə sənaye şirkəti həmkoəti kardə"Milli Metro Ğatari" loyihə,çe milli ğatari rami istehsoli iminə dizayniku tobə İroni marzon daxilədə tətbiği həmmə mərhələonış bə həyot dəvordınə.

 Xarici istifodəçiyon ımi bo" İroni muhəndisətiro qıləy dıjdə ğələbə" hisob kardedə və AİŞ və Ğərbi bə çın kişfəri zidd sanksiyaon məğlubiyyəti nışon doydə.De ın məsələ anqıl xarici istifodəçiyon bəzi şərhon ımonin:

İroni de bumiyə metro ğatari inşo anqıl dıjdə ğədəmi əslə texnoloji mıstəğiləti nımoyiş kardedə.qəmbəqəm idxaliku bəşıkrəti kam kardey çəy ixtisodiyyat və milli dəvominəti zumand bəkarde.Milləton jıqo inkişof kardedən:de xarici təchizotçiyon ne,bəştə muhəndison etıbo kardə holədə...

İronıjon həmməysə ağılmand və bə həmməysə barzə IQ soybin.Bo İronıjon metro ğataron və bənə ımi çiyon soxtey vey hostone,lakin çe dınyo sayir hissə tərəfiku bə İroni zidd tətbiğ kardə bıə qonə sanksiyaon səbəbiku ımon həmmə vaxt bardedə.

İronıjon AİŞ-ku 2500 sor bənav bin və tosə 2020-ə soron veyə məhsulon daxilədə istehsol kardeyışon zıne.

Da sornə səbrin və sıstəkə muhəndisəti ko bə ikkərə-bənə iqlə şəvədə bıə qıləy səbarzəti çiyedə.

Im,çe İroni muhəndisəti dıjdə səbarzətiye! 10 sornə befosilə daxili tədğiğot və navşemoni bədiqə İron ıştə mıosirə metro ğataron ovandəti istehsol kardeyış bino kardə.Çandə qılə İroni şirkəton çı sıftəku ım texnoloqiyaon bədast vardero bə ivrə cəm bin.ısət de ıştənitəmini ziyodəti Çiniku idxol dayimi surətədə bəkam bəbe.Im,bə texnoloji mıstəğiləti iyən bə sənaye zu səmt ğururdoə qıləy vaştemone!

Bə sanksiyaon zidd damon bəştəbovəy! Afərin.Iştı ım ko vey çok be,İron.