İronıjə X istifodəçiyon:İroni jenon tərəğği qıləy inkornıbə fakte

Pars Tudey-İroni təğvimədə de Jenon Ruji mınosibəti X şəbəkə ironıjə istifodəçiyon çe Həzrət Fatməyi Zəhro(ə) mevğey qiromi qətə holədə bə jenon aylədə və cəmyətədə, həmən mıxtəlifə sahəonədə bıə tərəğğiyədə muhimmə rolişon təkid kardə.

İslomi Pəyğombəri(s) mahbubə kinə Həzrət Fatməyi Zəhro(ə) moəku bey və Cəmadi əs-Sani manqi 20-i təsaduf kardə ımruj İroni təğvimədə de Jenon və İnon ruji ğeyd kardey beydə.

Çın aksiya məğsəd jenon mevğey şərofətin kardeye.bə Ğərbi medya ğərəzinə və ğeyri-realə rəvoyəton rəğmən,jenon İroni torıxi dırozi və İslomi şəryətədə həmişə de hurməti ğəbul kardey bıən.Xususən İslomi İnğılobi bədiqə İroni jenon çe dınyo mıxtəlifə elmi, idmoni və nəciməsənəti sahəonədə dəvəşən və dəvominə noiliyyətonışon bə dast vardə. Pars Tudey bın məğolədə X sosyal şəbəkə bə ironıjə istifodəçiyon de ın məsələ anqıl fikon nəzə səğandedəmon.

 "Mahəni" nomo istifodəçi nıvıştəşe:Həzrət Zəhro(s) vilodət çe Jenon Ruje.Çunki Əv, çe jenon bə insoniyyəti həmməysə barzə zirvəon rəsey imkonış nışon doə.

 Çın şəbəkə "Vətən Mudafiyəçi" nomo coqlə istifodəçi bəyonış kardə:Həzrət Zəhro(s) deştə fədokorəti iyən isori çe insoniyyəti əslə mənoş təsvir kardə və har kəsış bəy tabe beyış dəvət kardə.

Eyni kontekstədə"Məsumə Səadati"nıvıştəşe:İroni jenon tərəğği qıləy inkornıbə fakte. #Həzrət_Madər #Banuye_Aftab Coqlə tvitədə ın istifodəçi çe İslomi və Ğərbi bə jenon nəzəon mığoyisə kardə holədə bəyonış kardə:Ğərbi jenonış bə vitrini peqordınə;İslomi əvış çe tərbiyə mərkəz.

"Çadure Xaki" həmçinin #Həzrət_Madər və #Məzhər_Nəjobət həştəqon dərc kardə holədə votəşe:İroni banuon çe jenon soybkorəti sahədə ilhom ədən.

Məryəm Rusta həmçinin bə İslomədə jeni huğuğon məsələ işorə kardə holədə nıvıştəşe: "Dınyo jenon bə ixtisodi mıstəğiləti dastək do holədə senzə əsre ki,İslomiku bə dumo mandə və İslomədə xanımon mulkiyyəti həxon və mıstəğiləti rəsmi və mıəyyən kardə bıə həxonin."

"ABC" bın barədə votəşe:İroni banuon torıxi dırozi çe cəmyəti tərəğğiyədə həmişə əsosə rol ifoşon kardə.

 "Əli Əsğər Delbəri"nomo coqlə istifodəçi #Qənjinəh_Mehr və #Zən_Ironi həştəqon nıvıştəşe:İroni xanımon inon,təhsil doə kəson və sosyal sahəonədə səmərəninə ğıvvonin; çe səlohiyyət və ləyoğəti simvol.

"Məryəm"-i izhorış kardə:Qıləy ironıjə mısılmonə jen bə İslomi ğanunon əsosən bə bərobər həxon malik səlohiyyətinə insonin və əvon ıştə ləyoğətonışon xandi kardə;siyosi və mədəni arenaonədə iştirok kardə holədə əvon ıştə ğabiliyyətonışon çe qenderi sərhədonku kənoyədə nımoyiş kardedən.

Həmçinin,"Şirin Bəyan" de İnğılobi Ali Lideri qıləy tvitədə jenon statusi yol qətey anqıl nıtği istinod kardə holədə nıvıştəşe:Aləmi iminə banu Fatmə Əz-Zəhro(s) təvəlludi ruji, təbrikon və bə iffətin və təvazukorə həmməysə xoşə oruzuon bəyon kardedəm.Moon Ruj omeydə və mı təəccıb kardedəm ki,kom ruj İnon ruj ni,çəy fədokorəti ruj,çəy norohətəçətiyon və çəy de eşği pur bıə nəzəon ruj.Moon Ruj muborək...İmom Xameneyi: Jen reyhonəy.

 Coqlə X istifodəçi bıə "Umudi" nıvıştəşe:Jenon və Moon Ruj,çe banuon aktiv və təsirinə iştirok nıbə holədə dinamik və mutərəğği qıləy cəmyəti mumkin nıbey bəyod dənoydə. Şımə Əzizə jenon,fəğət ayləonədə ne,həmən sosyal və siyosi sahəonədə de nımandə səyon bo əzizə İroniro qıləy dəvəşə ayəndə ofəyedon.

"Həzrət Ruhullah" hisob həm çe İmom Xomeyni(r) ehanıdmoni pevolo kardə holədə nıvıştəşe:Jenon cəmyətədə merdonsə barz həm nıbo,kam həm nıbə qıləy xususi əzəmətışon heste.Çən,demi həm ımruj çe jeni həyoti ruj və çəy iftixori və camiyədə bıə dıjdə roli təsisi ruje.