Tehronədə çı islamiyə kişvəron məclison rəison iclos bərpo bəbe.

Beynəl xalğ sahədə İroni məclesi rəisi məslehətçi votışe: Tehronədə islamiyə kişvəron parlamenton rəison iclos İyoni 13 detos 17 bərpo bəbe.

Bə İrna raporti əsos, Huseyn Əmir Əbdullahiyan zinə Tehronədə islamiyə kişvəron məclison i bemoni Fələstin kamissiya izteroriyə iclosədə votışe: ımrujnə ruji qırdbımon bo islamiyə kişvəron məclison rəison iclosi dəvoniyəro muğəddəmə heste.

Əv bə ım nuktə işorəş kardə ki Fələstini kamissiya omə iclosədə əktivə huzurış bəbe votışe: ımrujnə ruji iclosədə ijən təkid kardımone ki Ğuds hejo bənə Fələstini paytəxt bəmande ijən detosə Fələstin ərazi kamil ozod karde mığovimət və Fələstini qrupon miyono vəhdət lozime.

Əv omidvar mandə ki jıqonə icloson çı islamiyə dıvləton vindımon iyən əməliyə hərəkətonədə ciddiyə təsirış bıbu.

Çı islamiyə kişvəron məclison i bemoni Fələstin kamissiya izteroriyə iclos ımruj de 11 qılə islamiyə kişvəronku nımoyəndəon huzuri Tehronədə bino be.