Suriyədə tojə səbarzətion.

Suriyə hərbion çı Həmah ostani şimal-Şərğ məntəğəonədə bıə Omi-Harətin nomo bıə dişon terroriston dastiku ozod kardışone.

Bə İrna raporti əsos Suriyədə ımrujnə sıbi əməliyaton çərçivədə bıə Homs ostani şimal-ğərb məntəğəonədə bıə Məriməyn nomo bıə di terroriston huccum karde həm məğlub be və hol ım ki terroriston bəbe de otəş bast peymoni ım məntəğədə harcurnə hərbiyə əməliyatiku bəno bıbun.

Terroriston hətto de rəkıt bə ım məntəğə huccum kardə bıən.

Tojədən 100 nəfər terrorist həm Suriyə Hələb şəhrədə ıştə silohon tərk karde bəpeştə ıştə iştiroki çı Suriyə milliyə dustiyə planədə elan kardən və təslim bıən.

Im plan de Bəşşar Əsədi əmri 2015 nə soriku bino bıə be.

Ğeyd kəmon ki bə Suriyə dıvlət və muxtəlifə hərbi qrupon həmohənqion və mığoviləon əsos çı Homs şəhri şimali baxşon həm bənə otəş basti şomil bıə məntəğə heste ki əyo canq və daveon ğədəğən elan bıə.

Suriyədə DAEŞ-i bəpeştə ısət Suriyə, Suriyə həmpeymonon və mığovimətiyə qrupon çı Ənnusrə terroristiyə vabəstə qrupi kamilən məhv karde fikədən.