Səudion canqiyə cinoyət be cəvob nibəmande.
Çı Yəməni milli nicot dıvləti sıxənəvot Əhməd Hamed votışe: dəvardə rujonədə çı Ərəbistoni hərbiyə bombardımonon şiddəti ziyod bey be cəvob nibəmande.
Bə İrib raporti əsos Yəməni milləti nicot dıvləti sıxənəvot jıqo bə Yəməni bepənohə millət huccum karde çı Səudi Ərəbistoni cinoyəton dəvom zınəş be və votışe: Ərəbiston de beynəl xalğiyə məkrinə plan və dınyo umum iştimaiyəti sukut jıqo Yəmənədə cinoyəton tocih kardedə.
Əhməd Hanmed çı Səudi Ərəbistoni rəsmi şəxson sıxən və iddio bə Yəməni hərbion huccum karde barədə vey xəbisanə və duə sıxən hisob kardə və təkidış ka: Yəmənədə bə milləti zidd çı Ərəbistoni həmmə huccum və cinoyəton de fakti ğeyd bıə.
Ərəbistoni rejimi dəvardə rujon huccumədə Əlhodəydə, Snna və Zemar ostanonədə qırd 100 nəfər ğeyri hərbi kıştə bıən.
Səudiyyə rejim Amerkə tərəfdarətiədə və İ bə milləton təşkilati tam jeədə 2015 minnə sori martə manqiku bə yəmənı zid hərbiyə təcavuzış təşkil kardə və yəmənı bə kəno mandə bə president Əbde Rəbbe Mənsur Hadi oqırdıne vavunədə ım məmləkətış zəmin deyo və həvoku muhasirəş kardə.