Yəmən bə ərəbıstonı cənub hissə balestik rəketış ğande.

Yəmənı Ənsarulla ğıvvon rəketinə qrup ərəbıstonı cənub Nəcran məntəğədə bə ərəbıstonı silahlinə ğıvvon mərkəzi tərəf balestik rəketışon ğande.

Bə Turkiyə Anatoli aqentəti xəbon əsosi yəmənı Ənsarulla hərəkat zinə şanqo qıləy bəyonotdə elanış karde kırtə məsafəyu balestik rəket ərəbıstonı cənub hissədə bəştə hədəf qıniyə.

həmzəman Səudiyyə ərəbıstonı mediyaon iddaşon kardə ım məmləkəti həvoiyə sistemon bə nəcranı tərəf yəmənı Ənsarulla hərəkati ğandə bə balestik rəketış hədəf qətə və əvış arəku bardə.

xəbon bimiku hikayət kardən balestik rəket yəmənı paytəxt Səna şimal Əldeyləmi nomo bıə həvoiyə mərkəziku bə Nəcran məntəğə tərəf ğandə bə.

ım 5 minnə rəket çı modelikuy ki dəvardə 1 manqi mıddətdə yəməniku bə ərəbıstonı tərəf ğandə bə.