Suriyə Kırdon Tırkiyə hərbiyə əməliyati vədə Suriyə dıvləti himoyəon tələb kardən.

Tırkiyə hərbiyə əməliyati həmzəman Suriyə şimal Ğərbədə bıə Əfrin şəhri Kırdon qıləy bəyoniyə vasitə ım hərbiyə əməliyati vədə Suriyə dıvləti himoyə və koməki tələb kardən.

Bə İrna raporti əsos, Suriyə Kırdon çı Tırkiyə ım huccumi hədəfi Suriyə zəmini çimiku vey işğal karde hisob kardən və Suriyə dıvlətiku tələb kardən ki Tırkiyə həmləon vədə Suriyə ərazi təmamiyyət iyən Əfrin şəhriku mudafiə bıkon.

Suriyə Kırdon ijən təkid kardən ki xalığ mudafiə nimə hərbi Kırdə qrupon çı Suriyə milli i bemon və Suriyə kişvəri ərazi vəhdəti sayədə hejo bəmanden.

Çımiku bə nav həm çı Suriyə Kırdə nimə hərbi qrupon qıləy fərmondəon elanış kardə ki mığoviləon çərçivədə ijən dıvləti tərəfiku edaştə bıə təklifon xoto Suriyə hərbion bəbe Əfrinədə huzurışon bıbu.

Əv təsdiğ kardə ki Suriyə Kırdon separatçi nin ijən Suriyə tərkibədə ıştə həx-huğuği pidəşone və çəy faxtədə be siloh bəben.

Bə Suriyə Kırdon zidd çı Tırkiyə zeytoni xol nomo bıə hərbiyə əməliyat yanvari 20-nə rujiku Suriyə şimal ğərb Əfrinədə bino be.

Suriyə dıvlət ım əməliyati məhkumış kardə.