Bəhreynədə ijən represivə siyasəton dəvomış heste.

Ali Xəlifə rejimi əmniyyətiyə ğıvvon çı Əl-Deyr nomo bıə şiə ənıştə məntəğə cəmaət imomi Şeyx İsa Momeni dəstqir kardən.

Bə İrna raporti əsos ım məntəğədə bıə Əl-Xəyf məçiti cəmaət imomi dəstqir karde.

Məhkəmə ıştə oxonə hukmədə məçitədə bə Ali Xəlifə hukuməti əleyh şiddətinə etıroz və tənğid nıtği bəyon kardero əvışon bə 3 manq həbs məhkumış kardə.

Bəhreyni be ğanunə məhkəmə ijən qıləy Bəhreynıjə cıvoni Fevrali 14 nomo bıə hərəkati iyən Əlvefa cəmiyət və dastədə ozv bey xoto bə 7 sor həbs məhkumış kardə.

Zinə həm Ali Xəlifə əmniyyətiyə ğıvvon Əlmalekiyə məntəğədə 3 nəfər çın kişvəri cıvonon dəstqir kardən.

Bəhreyni bəşər həxon mərkəz həm elanış kardə ki dəvardə i haftə mıddətədə ım kişvərədə 69 nəfər Bəhreynıjə dəstqir bıən ki 5 nəfər nocıvon həm çəvon dılədə be.

Dəvardə 7 sori mıddətədə ijən Bəhreynədə inğilabi həmzəman 11 həzo şəhrvand de be əsosə ittihamon dəstqir, ışkəncə və həbs bıə ijən çandə şəhrvandon həm çəvon şəhrvandəti ləğv iyən kişvəriku ixroc bıə.

Ali Xəlifə millət 2011nə sori Fevrali 14 ko ıştə ozodəti həx-huğuği tələb karde bə kəno ım kişvərədə ədolət, nohəxion ləğv bey iyən vıjniyə bıə dıvləti bərpo bey tələb kardən.