Velayəti: Amerkə çı Asiya ğərb məntəğə vey muhimmə probleme.

Beynəl xalğ sahədə İroni Yolə Rəhbəri məsləhətçi votışe: Amerkə xarıci vəziri səfər bə məntəğə nışoş do ki islamiyə kişvəronədə çı Amerkə hərbi və meydoniyə siyasəton məğlub bıə.

Bə İrib raporti əsos Əli Əkbər Velayəti Bəğdaddə de İraği xarıci vəzir Cəfəri vindemon karde əlovəş kardə: Reks Tilersoni səfər bə məntəğə ijən bə islamiyə kişvəron əleyh çı Amerkə siyasəton məğlubiyəti çımiku vey nışoş do və ısət oşku be ki Asiya ğərbədə bohranon əsliyə amil Amerkə siyasətonin.

Beynəl xalğ sahədə İroni Yolə Rəhbəri məslehətçi bə İroni huşin mande iyən məntəğədə çı Amerkə siyasi hərbi və əmniyyəti hərəkəton kamilən təhlil karde işorəş kardə və votışe: İron, İrağ və Suriyə daemiyə əloğəon sayədə Amerkə karde ni bəzne Kırdə məntəğəonədə nıfuzış bıbu.

İraği xarıci vəzir Ebrahim Cəfəri həm bə İrağədə daxıliyə zərfiyyət iyən imkonaton işorəş kardə və votışe: milləton zəmoni ki bə daxıli ğudrət tekyəşon bıbu deşmən çəvon vədə məğlub bəbe.

Ebrahim Cəfəri DAEŞ-i məhv karde muvəffəğiyətonış çı İrağ və İroni milləti dustanə iyən həğiğiyə bevoti nışonə zınəş be və votışe: İron məntəğədə mığovimət cərəyon və strateqiyaon rəvoc doero vey muhimmə rolış heste.

Velayəti zinə İrağədə islamiyə vəhdət təğrib icma təsis kardero bə Bəğdad səfərış kardə.