Ğasımi: İroni barədə Ərəb Liqa 4 tərəfiyə kamissiya bəyoniyə ğeyri mənteğiye.

İroni xarıci vəzarətxanə sıxənəvot bə İroni zidd Ərəb Liqa 4 tərəfiyə kamissiya bəyon bıə iddiyaon be əsos və ğeyri mənteği zınəş be.

İroni xarıci vəzarətxanə sıxənəvot Bəhram Ğasımi ərəb liqa qıləy kamissiyaonədə İroni ətomiyə bərnomə və təvafuği barədə be əsos və ğeyri ğanuni zınəş be iyən votışe: bəyoniyədə sohbəton kamilan be əsos və ğeyri mənteğiyə boçi ki ım təşkilat karde ni bəzne İroni barədə jıqonə iddiyaon bəyon bekon.

Ğasımi təsdiğış kardə: İron İslam Respublika bə ətom enerji beynəl xalğ təşkilati muxtəlifə raporton əsos detosə bə ısət kamilən bəştə əhd mığovilə əməlış kardə və detosə bə zəmon ki lozim ijən çı İroni mənafe təmin bıbu bə ım mığovilə əməl bəkay.

İroni xarıci vəzarətxanə sıxənəvot əlovəş kardə: İron İslam Respublika çı məntəğə əmniyyət və stabiləti çərçivədə vey mısbətə rol və huzuri ifo kardedə və lozime ki həmonə kivəron ki Yəmənədə təcavoz və insoniyə faciəonədə şərikin ijən məntəğədə radikalizm və terrorizmi rəvoc dodən jıqo be əsos sohbəton əvəzi bə siyonist rejim çımiku vey xoş xidməti kardeku bə kəno bıbun və eyne hol oğo bıbun ki ijən İrono fobiya siyasət məğlub bıə.