Suriyə şimalədə Tırkiyə hərbiyə ğıvvon tələfot.
Tırkiyə ərtış mərkəziyə ğərorqo elanış kardə: 58 ruji mıddətdə Suriyə Əfrin məntəğədə əməliyaton nəticəku ım kişvəri 46 qılə hərbion kıştə və 225 nəfər zəxmin bıən.
Bə İrna raporti əsos çı Tırkiyə ərtış mərkəziyə ğərorqo elanış kardə ki Tırkiyə hərbion de Suriyə ozod nomo bıə pesoxtə bıə ərtış nimə hərbion koməki zinə bə Əfrin varid bıə iyən ım şəhri işğal kardən.
Bə həminə raporti əsos Əfrinədə zitoni xolə nomo bıə hərbi əməliyati nəticəku Suriyə xalığ mudafiə nimə hərbion Suriyə demokratik i bemon partiya və Tırkiyə Kırdıston fəhləon partiya ozvonku bə 4 həzo nəfər nezi kıştə bıən.
Tırkiyə hərbion iyən mediyaon hələ Suriyədə bə Tırkiyə vabəstə bıə qrupon tələfotiku hiç dəğiğə raporti muntəşir kardə nin əmmo Suriyə bəşər həxon diyə əkə təşkilat ım miğdori bə 400 nəfər nezi elanış kardə, ijən xəbə omə ki Tırkiyə hərbiyə əməliyati nəticəku Əfrinədə 200 həzo nəfər cəmaət avarə bıən.
