Tırkiyə dıvlət bə İrağ və Suriyə ərazi təmamiyəti oqəte təkid kardə.

Tırkiyə i minə vəzir iddiyaş kardə ki ım kişvər çı İrağ və Suriyə ərazi təmamiyəti oqəte tələb kardə.

Bə İrna raporti əsos Bin Əli İldirim çı hakim partiya məxsusə iclosədə Tırkiyə əmniyyəti bə İrağ və Suriyə Stabil mande vabəstə zınəş be və əlovəş kardə: Suriyə və İrağədə əmniyyət yəni Tırkiyədə əmniyyət.

Əv iddiyaş kardə: (P.K.K) iyən (P.Y.D) de iyən DAEŞ-i məhv karde məntəğə çı Tırkiyə i minə stratejik koonin.

Tırkiyə prezident həm, ədolət və inkişof partiya məxsusə mərasimədə Tırkiyə tojə və hərbi əməliyaton barədə votışe: Tırkiyə hərbion işğal çəy nin iyən Suriyə kişvərdə ğərbion əcumlə Amerkə hərbiyə huzur bənə işğal əkə hərəkətone.

Əv təsdiğış kardə ki əkə Tırkiyə sərhəddon təhdid bıbun bo təcavozkaronro saxtə nəticəon bəbe.

Tırkiyə rəsmi şəxson jıqonə iddiyaon qıləy şərayetdə bəyon bedə ki ım kişvəri hərbion zitoni xolə əməliyati sayədə bə Suriyə huccum və Əfrini işğal kardən.