Yəməni bohrani barədə Zərif çı ğərbiyə kişvəron siyasətonku tənğidış kardə.

Bə Yəməni əleyh Ali-Səud rejimi təcavuzi bino bey 4minə sorqaedışi və ım kişvər milləti muğaveməti dəvom peydo karde həmzəman İroni xarıci vəzir çı ğərbiyə kişvəron siyasəton iyən Amerkə hejo bə Ərəbiston siloh həvateyku tənğidış kardə.

Bə İrib raporti əsos İroni xarıci vəzir Muhəmməd Cəvad Zərif qıləy Tuvitter mesajədə ğeydış kardə: bəzion co kəson edoşiyeku xoşhalin iyən bəzion həm hətto vey xoşhalin ki edoşiye bıbon.

Zərif ijən təkid kardə: Yəmənıjon ki bəzi cıvonə cinoyətkoron çəvon sə lenqi noe vasitə i şəvi mıddət bə inkişof rəse məğsədışone, ısət ğərbiyə kişvəron tərəfiku çı yod və be kardə bıən.

Səudi Ərəbistoni bombardımoni nəticəku ijən tojə dıvrə cinoyətonədə çandə Yəməni millət ğətliam bıən Səudiyə Ərəbiston de Amerkə himoyəon iyən i bıə milləton təşkilati sukuti sayədə 2015 nə sori Martiku Yəməni milləti bombardımon karde kənoədə əvoni zəmin, dıyo və həvoku mıhosirəş kardə.

Im hərbiyə təcavoz detos bə ısət 13 həzo nəfəri kışte, bə 10 həzo nəfər nezi zəxmin bey iyən çand milyon nəfəri avarəti bois bıə.

Isət de umumi vırəon xərob bey ijən mıhosirə vəziyəti ciddi bey, xorək və dəvo damon vəziyət həm vey dəhşətine anədə ki vey xətərnokə noxəşion ısət Yəmənədə rəvuc peydo kardə.