İron və ətomiyə təvafuği barədə Səudi-Ərəbistoni vəliəhdi tojə iddiyo.
Səudi rejimi vəliəhdi iddiyo kardə ki ətomiyə təvafuğ İroni bə ətomiyə silohon dast peydo nıkarde bois nibəbe çumçiku bəbe ım təvafuğ əvəz bıbu.
Bə İrna raporti əsos Muhəmməd Bin Səlman de Amerkəvıjə Niyoyork Taymz nomo bıə rujnomə jurnaliston iyən sərkatibon vindemon karde idiyoş kardə: ətomiyə təvafuğ şayəd bə ətomiyə silohon rəseyro İroni bə domu barde iyən çəy istihsolədə təxir ığande bois bıbu əmmo mane ni bəbe.
Ərəbistoni vəliəhd ijən idiyo kardə: əqə İron ətomiyə silohonış bıbu Miyonə Şərğ məntəğədə zumand bəbe iyən karde bəzne ım silohonku istifodə bıkuy.
Muhəmməd Bin Səlman əlovəş kardə ki məntəğədə çı İroni cıvoni liton vəy qətero lozime ki ətomiyə təvafuğ de co qılə təvafuğ əvəz bıbu.
Muhəmməd Bin Səlman iyən Amerkəvıjə jurnaliston miyono iclos qıləy məhrəmanə iclos be əmmo çı bəzi baxşon muntəşir bıə.
Jıqonə be əsos idiyoon qıləy şərayetdə bəyon bedə ki ətomiyə beynəl xalğiyə təşkilat və Amerkə informasiya təşkilaton 10 kərə ətomiyə təvafuği çərçivədə çı İroni dırıstə fəaliyəton təsdiğ kardən.
Isət Ərəbistoni vəliəhd bənə siyonist rejimi i minə vəzir, meydoni hozzo kardən ta Donald Tramp ım təvafuğiku xaric bıbu.
