1000 terrorist Suriyə Duma məntəğəku xaric bıən.

Bə xəbəon əsos 1000 nəfəriku vey terrorist Suriyə Şərği Ğutəku xaric bıən.

Bə İrna raporti əsos 20 qılə avtubos ım miğdor terroristi iyən de çəvon ailəon bə i co Duma şəhriku xaric və bə Hələb ostani Cerablos məntəğə bardeşone.

Vafedin nomo bıə dəvardə qoku detosə bə ısət vey terroriston xaric və bə Suriyə Edleb ostani varid bıən ijən ım proses detosə şərği Ğutə kamilən pok karde dəvomış heste.

Suriyə ərtış fərmondə həm Duma məntəğə ətrofədə de terrorçiyon daveon dəvom peydo kardeku xəbəş do.

Bə Suriyə milləti himoyə dorti kardero Dəmeşği ətrofədə şərği Ğotə ostanədə bıə məntəğəon çı terrorçiyon dastiku xilos karde xoto Suriyə hərbi əməliyaton Fevrali 26-nə rujiku bino bıə be.

Suriyə paytəxt Dəmeşği neziədə bıə şərği Ğotə, ım kişvəri qıləy stratejik məntəğəy ki 7 sori bəpeştə kamilən ozod bey Astanədəy.